Viti i ri mësimor i ka gjetur nxënësit e gjimnazit “Raqi Qirinxhi” të Korçës me një laborator modern të teknologjisë së informacionit dhe komunikimit, mundësuar nga Fondacioni Mane në kuadër të angazhimit për të kontribuar në edukim dhe tek të rinjtë. 560 nxënës dhe 40 mësues pritet të jenë përfitues të drejtpërdrejt të infrastrukturës teknologjike dhe ky laborator mundëson.

Në përurimin e laboratorit ishte i pranishëm themeluesi i Fondacionit Mane, Samir Mane i cili ndau përvojën e tij si ish-nxënës i kësaj shkolle, ndërsa inkurajoi nxënësit të guxojnë dhe ndjekin ëndrrat e tyre, të cilat mund të krijohen që gjatë gjimnazit. Ai i këshilloi të studiojnë dhe të jenë kurioz ndaj ndryshimeve që e ardhmja sjell.

Drejtoresha Keti Qirinxhi vlerësoi mbështetjen e Fondacionit Mane për gjimnazin. Për drejtoreshën, ky investim është shumë i rëndësishëm që nxënësit të kenë mundësi të zhvillojnë idetë dhe projektet e tyre dhe të aftësohen për të bërë profesionistë të zotë apo sipërmarrës të denjë, si shembulli i Presidentit të Grupit BALFIN.

Fondacioni Mane e konsideron edukimin si alternativën më të mirë për të përgatitur qytetarët e nesërm dhe mbështet institucionet arsimore për të rritur cilësinë e mësimdhënies dhe për t’u ofruar të rinjve mundësitë e zhvillimit akademik dhe profesional.

Ada Hazizolli/

Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.