Në një kohë që pritet të miratohet në qeveri buxheti dhe paketa fiskale, sektori i turizmit ka 2 kërkesa kryesore të cilat i japin dorë zhvillimit të mëtejshëm të industrisë.
Në një intervistë për ScanTv, kryetar i Shoqatës së Hoteleri-Turizmit Zak Topuzi thekson se është domosdoshmëri ulja e TVSH-së për ushqimin dhe pijet të paktën në 10 %.
Sipas tij, nëse duam të konkurrojmë si rajon, duhet që politikat fiskale të njehsohen me ato të vendeve fqinje.
Ndërsa, mungesa e fuqisë punëtorë të qëndrueshme, edhe gjatë muajve të dimrit konsiderohet si problematikë për zhvillimin e këtij sektori. Për këtë arsye kërkohet që qeveria të subvencionojë punonjësit sezonalë, përtej sezonit turistik.
Sa i takon taksës së fjetjes në hotel, Topuzi shprehet se problemi i informalitetit në këtë drejtim lidhet me akomodimin ditor nga strukturat jo hoteliere, të cilat zënë afro 48 %.
Elisabeta Dosku/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
