16.5 C
Tirana
E shtunë, 15 Qershor 2024

Indeksimi i pensioneve 8.6%, nuk justifikon as normën mesatare të inflacionit te ushqimet dhe pijet

Duhen Lexuar

Çmimet e ilaçeve, fatura e  energjisë elektrike dhe e ujit, e ndërthurur me inflacionin e lartë te ushqimet e bëjnë më të vështirë jetesën e një të moshuari. Pensionistët e shohin në pozita pesimizmi politikën e qeverisë për rritje të pagës minimale e mesatare, politika që çuan deri në rritjen e ndjeshme të pagave të zyrtarëve të lartë. Nuk i gëzon fakti se nga 1 tetori të moshuarit në qytet do të marrin 1 mijë e 500 lekë më shumë, ndërsa në fshat shtesa shkon 900 lekë.

Shpjegimi është edhe në shifra. Norma mesatare e inflacionit te ushqimet dhe pijet që prej muajit tetor 2022 ka arritur në 11.6%. Ky është një nivel më i lartë se indeksimi i pensioneve me 8.6%. Prandaj sipas ekspertëve të ekonomisë ky raport nuk përkthehet në ndihmë për këtë kategori.

“Është një raport i zhdrejtë që nuk e plotëson rritjen e vazhdueshme të çmimeve. Sepse ekonomitë familjare dhe buxhetet e tyre sidomos të pensionistëve ku përveç produkteve kryesore ushqimet, qiratë mujore kanë dhe shtesë koston e ilaçeve”,  tha Eriola hoxha, eksperte ekonomie.

Ngërçi qëndron te skema e pensioneve dhe ajo e kontributit të sigurimeve shoqërore, fakt i njohur por ende pa zgjidhje.

 “Indeksime të shpeshta nuk do të thotë të ardhura të konsiderueshme në vlerën mujore të pensionistëve. Por duhen hartuar politika afatgjata në kohë pamundësish siç jemi në një kaos për skemën e pensioneve dhe atë të kontributeve të sigurimeve shoqërore, të mos qëndrojmë në këtë raport që të presim indeksime njëherë apo 2 herë në vit”, shtoi ajo.

Për herë të fundit pensionet në vend u indeksuan në masën 6 për qind tetorin e vitit të shkuar. Përcaktimi i minimumit jetik sipas ekspertes Hoxha do të ndihmonte sadopak pensionistët por dhe shtresat e tjera sociale në përballimin e luhatjeve të inflacionit. Qeveria ka vepruar me bonuse, si ai i prillit, kur u shty dhe për në tetor indeksimi i pensioneve.

KR SA DO RRITEN PENSIONET frame 279 1280x720

Indeksimi i pensioneve, të moshuarit në qytet do marrin 1.500 lekë më shumë, ata në fshat 900 lekë

Burimi: A2 CNN

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications