30.5 C
Tirana
E hënë, 24 Qershor 2024

KLSH zbardh dëm ekonomik kolosal, por vetëm 6 në prokurori – Shkelje financiare 740 milionë dollarë në 2022 dhe numer minimal masash disiplinore

Duhen Lexuar

Ndërsa ka zbardhur një vlerë shkeljesh financiare prej 740 milionë dollarësh, nga e cila 470 milionë janë klasifikuar si dëm i pastër ekonomik, bie në sy se Kontrolli i Lartë i Shtetit ka ccuar shumë pak prej zyrtarëve përgjegjës në prokurori. Në buletinin zyrtar të institucionit për periudhën janar shtator, raportohet se janë dërguar për ndjekje penale vetëm 6 zyrtarë. Më konkretisht, KLSH nga auditimet e realizuara gjatë nëntë mujorit të vitit 2022 ka përcjellë në Prokurori 1 kallëzim penal. Konkretisht, në auditimin e kryer në Drejtorinë rajonale të Kadastrës Sarandë janë kallëzuar 6 persona të konstatuar me shkelje të rënda të cilët janë drejtues të nivelit të lartë e të mesëm (Ish-Drejtor,Drejtoria Rajonale ALUIZNI-t, (aktualisht DVASHK Sarandë); Ish-Përgjegjës i Sektorit të Hartografisë, aktualisht specialist; Ish-Përgjegjës i Sektorit të Legalizimit, Ish-Përgjegjës i Sektorit të Çështjeve të Pronësisë; Ish-Përgjegjës i Sektorit të Çështjeve të Pronësisë; Ish-Përgjegjës i Sektorit të Hartografisë).

Paralelisht KLSH ka dhëënë edhe 578 masa disiplinore, por më së shumti të lehta e në zgjedhje të titullarëve të institucioneve përkatës, të cilët mund të vendosin nga vërejtja deri te largimi nga puna. Në total Kontrolli i Lartë i Shtetit ka porpozuar largim nga shërbimi civil për 30 punonjës, 15 me statusin e nëpunësit civil, dhe 15 me kontratë pune. Për 30 zyrtarë të tjerë ka propozuar mbajtjen e 1/3 të pagës si përgjegjës për shkeljet.

Si kallzimet, ashtu edhe masat disiplinore janë minimale në raport me dëmin ekonomik të konstatuar, duke parë se për periudhën janar-shtator të këtij viti, Kontrolli i Lartë i Shtetit ka evidentuar një vlerë kolosale dëmi ekonomik të shkaktuara në institucionet e administratës publike prej rreth 470 milionë dollarësh. Pjesa më e madhe e dëmit është konstatuar në formën e të ardhurave të munguara si pasojë e evazionit fiskal. Në fushën e tatim taksave Kontrolli i Lartë i Shtetit konstaon një dëm ekonomik në vlerën  45,2 miliardë lekë, afërisht 450 milionë dollarë. Në sektorin doganor është konstatuar një dëm prej 846 milionë lekësh, afërisht 8 milionë dollarë. Në një kohë që shkelje të shumta financiare janë konstatuar edhe me abuzimet me pronat shtetërore. Kontrolli i Lartë i Shtetit raporton se në fushën e shitjes, blerjes dhe dhënies me qira të pasurisë shtetërore gjatë auditimeve është konstatuar një vlerë dëmi ekonomik prej 421,9 milionë lekësh, afërisht 4 milionë dollarë.

Sa i përket shpenzimeve Qeveritare, dëmi kryesor haset në fushën e investimeve, me një vlerë prej 454 milionë lekësh apo afërisht 4.5 milionë dollarësh.

Ndërkq, sa i përket shkeljeve financiare në përgjithësi, gjatë periudhës janar – shtator 2022, ka evidentuar shkelje të disiplinës financiare me ndikim negativ në performancën e administrimit të të rdhurave, shpenzimeve dhe në përdorimin e fondeve publike në vlerën totale prej 74 miliardë lekësh, afërisht 740 milionë dollarë.

Kontrolli i Lartë i Shtetit bën me dije se auditimet e kryera këtë vit kanë përfshirë vlerësimin e aktivitetit në 147 subjekte duke përfshirë të gjitha nivelet e qeverisjes: institucione qendrore, ministri dhe agjenci (përfshirë drejtori qendrore dhe rajonale në varësi të tyre), njësi të vetëqeverisjes vendore (qarqe, bashki), drejtori të përgjithshme të administrimit fiskal, fonde speciale, si dhe shoqëri aksionare me kapital shtetëror në të cilën shteti ka mbi 50% të aksioneve, apo projekte me financim të huaj.

Lorenc Rabeta/


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications