16.5 C
Tirana
E diel, 16 Qershor 2024

Kredia në euro, për çfarë e marrin qytetarët – Dominon huaja për shtëpi, pasuar nga makinat, paisjet, mobiljet dhe overdrafti

Duhen Lexuar

Kredia në euro zë një peshë të konisderueshme në huadhënien e bankave tregtare në vend, megjithë një lloj tkurrje gjatë gjashtë muajve të parë të këtij viti. Nga 89.2 miliardë lekë në total në fund të vitit, apo rreth 800 milionë euro me kursin e sotëm, ajo ka rënë në 86.7 miliardë lekë në fund të gjashtëmujorit. Por për çfarë përdoret më së shumti kredia në monedhën e përbashkët evropiane. Pjesën e luanit e zë kredia në euro për blerje apartamentesh.

Nga totali prej 86.7 miliardë lekësh kredi në monedhën e përbashkët evropiane, 72.9 miliardë janë marrë për blerje pasurish të paluajtëshme. 4.8 miliardë, apo afërisht 45 milionë euro janë marrë nga shqiptarët për blerjen e mallrave të qëndrueshme, ku hyjnë automjetet apo mobiljet. 2.1 miliardë lekë, apo afërisht 20 milionë euro janë marrë në banka për blerjen e mallrave jo të qëndrueshme, ku përfshihen më së shumti produktet e përdorimit të përgjithshëm. 1.1 miliardë të tjera, rreth 11 milionë euro janë marrë nga individët në formën e overdraftit.

Normat e interesit për kreditë në euro kanë shfaqur rritje të shpejtë në muajt e fundit, në ndjekje të rritjes së normave referencë në tregun ndërkombëtar. Interesi mesatar i kredisë së re në euro për bizneset rezultoi mesatarisht 6.1% në tremujorin e dytë, nga 5.4% që ishte në dy tremujorët paraardhës. Rritja e interesave ka qenë më e theksuar tek kreditë e vogla (deri në 250 mijë euro) dhe ato të mesme (250 mijë deri në 1 mln euro). Në krahasim me vitin e kaluar, interesi mesatar i kredive në euro për bizneset është rreth 1.3 pikë përqindje më i lartë.

Në tremujorin e dytë është bërë evidente edhe rritja e interesit të kredisë hipotekare në euro për individët. Ajo rezultoi 5.0%, me një rritje prej 1.4 pikë përqindje krahasuar me nivelin mesatar të tremujorit të parë të këtij viti dhe të vitit të kaluar.

Lorenc Rabeta/


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications