10.5 C
Tirana
E shtunë, 24 Shkurt 2024

Ndryshimet në tregun celular, pa zgjidhje Operatorët Virtualë – Kushtet e Komisionit të Konkurrencës, pa përgjigje. Nuk ka as rregullore apo masa detyruese

Duhen Lexuar

Ndërsa i është dhënë përgjigje Komisionit të Konkurrencës për vlerësimin mbi ndikimet në treg dhe në raport me hapësirat për një opertor të tretë celular, pas shkrirjes se Albtelecom me One, duket se pa përgjigje mbetet fati i Operatorëve të Rrjetit Virtual Celulare.

Operator virtual komunikimi celular(Mobile Rrjeti virtual Operatori, MVNO) – janë kompanitë që u ofrojnë pajtimtarëve të tyre shërbime celulare, por nuk kanë të gjitha tiparet e operatorëve realë (për shembull, infrastrukturën e tyre të rrjetit, një licencë për të ofruar shërbime celulare, etj.). Aktivitetet e operatorëve virtualë janë të mundur përmes marrëveshjeve me një operator “donator” që siguron trafikun e vet për kompani të tilla.

Komisioni i Konkurrencës i ka kërkuar qartësisht AKEP-it të hartojë një rregullore ku të përcaktohen procedurat për licencimin e operatorëve të rinj, Operatorë të Rrjetit Virtual Celulare. Po ashtu, AKEP-it i është dhënë detyra të vendosë rregulla dhe detyrime për operatorët ekzistues në tregun e telefonisë fikse dhe celulare, që të lejojnë akses, interkoneksion dhe përdorim të përbashkët të faciliteteve të rrjetit për hyrjen në treg të Operatorëve të Rrjetit Virtual Celular.

Por në vendimin e nëntorit, përmes të cilit Albtelecom përthithet nga ONE, AKEP nuk i jep përgjigje asnjë prej këtyre dy kushte, pra nuk përmend as rregullore për licencimin e operatorëve Rrjetit Virtual Celulare, dhe as vendos detyrime të qarta për operatorët ekzistues që të lejojnë akses, interkoneksion dhe përdorim të përbashkët të faciliteteve të rrjetit për hyrjen në treg të Operatorëve të Rrjetit Virtual Celular.

Lorenc Rabeta /


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit