16.5 C
Tirana
E diel, 16 Qershor 2024

Përballimi i fatkeqësive natyrore, Qeveria Polake dhe UNDP në Shqipëri mbështetje bashkive me pajisje kërkim-shpëtimi

Duhen Lexuar

10 bashki të Shqipërisë janë përfitueset e drejtpërdrejta në kontekstin e projektit “Forcimi i Kapaciteteve të Shërbimit Shqiptar të Mbrojtjes nga Zjarri dhe Shpëtimin” – financuar nga Qeveria e Polonisë dhe zbatuar nga UNDP në Shqipëri.

Falë këtij projekti, janë mundësuar kontenierë me pajisje për Kërkim-Shpëtim në Zonat Urbane. Kontenierët përbëhen nga të gjitha mjetet dhe pajisjet e nevojshme që përdoren nga ekipet e zjarrfikësve gjatë operacionit të kërkim-shpëtimit në zonat ku ka fatkeqësi natyrore, sidomos nga tërmetet dhe ato të shkaktuara nga njeriu.

Në këtë kuadër, Ambasadorja e Polonisë në Shqipëri Monika Zuchniak-Pazdan, Përfaqësuesja e Përhershme e UNDP-së në Shqipëri Monica Merino dhe Drejtoresha e Përgjithshme e Shërbimit të Mbrojtjes nga Zjarri dhe Shpëtimin Holta Komino, udhëtuan në 3 prej këtyre bashkive – Durrës, Lezhë dhe Fier – për të dorëzuar kontenierët e mundësuar nga projekti.

Dimensionet e kontenierëve, organizimi i ndarjeve të brendshme dhe cilësia e mjeteve dhe pajisjeve plotësojnë të gjitha standardet ndërkombëtare. Disa pajisje mund të përdoren nga zjarrfikësit në operacionet e tyre të përditshme të shpëtimit si aksidente automobilistike, zjarre në pyje, kërkim-shpëtim në ndërtesa te rrënuara, puse etj.

UNDP ka trajnuar të gjithë zjarrfikësit e çdo bashkie përfituese për përdorimin dhe mirëmbajtjen e kontenierit dhe mjeteve e pajisjeve.


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications