12.5 C
Tirana
E premte, 1 Mars 2024

Prodhuesi kinez i terminaleve të pagesave elektronike akuzohet për lehtësimin e sulmeve kompjuterike në SHBA dhe BE

Një tjetër prodhues kinez i pajisjeve të pagesave elektronike akuzohet nga FBI për lehtësimin e sulmeve kibernetike kundër objektivave të shumta në Shtetet e Bashkuara dhe Bashkimin Evropian. Kompania e akuzuar dhe nën hetim është PAX Technology, një kompani e madhe kineze e specializuar në prodhimin dhe tregtimin e terminaleve POS për tregtarët e vegjël që marrin pagesa me kartë nga klientët e tyre.

Duhen Lexuar

Terminalet e pagesave elektronike (POS) të cilat gjenden pothuajse tek çdo dyqan, restaurant, hotel e në çdo aktivitet tregëtar tjetër, janë një mënyrë e lehtë për tu shfrytëzuar për çdo formë sulm kibernetik e cila mund të shkojë deri në spiunime apo dhe aktivitete të tjera të jashtëligjshme masive të personave në mbarë botën, për sa kohë që metoda e infiltrimit nuk zbulohet.

Lajmi se furnitori gjigand PAX ishte vënë nën shënjestër nga një bastisje e FBI-së u përhap me shpejtësi të madhe në të gjithë Shtetet e Bashkuara dhe më pas në pjesën tjetër të botës. “Departamenti i Sigurisë Kombëtare dhe zyrtarë të tjerë të agjencisë po kryejnë një hetim në magazinat e kompanisë në Jacksonville” – u tha në një komunikatë për shtyp nga autoritet vendase. Megjithatë, FBI konfirmon se asnjë rrezik i menjëhershëm nuk është identifikuar ende për tregtarët që përdorin këto terminale pagese, apo klientët e tyre.

Një burim i besueshëm mediatik tha se pajisjet POS përdoreshin si hapësirë ​​ruajtëse për malware, si dhe si një qendër “komandimi dhe kontrolli”, përmes së cilës mund të kryheshin sulmet dhe mund të fillonte vjedhja e të dhënave.

Në mbrojtje të tyre, PAX Technology tha se vizita e agjentëve të FBI-së ishte vetëm për një hetim në vazhdim, pa një akuzë formale për kryerjen e një krimi – për të mos dhënë më shumë detaje dhe shpjegime pë situatën në fjalë.

- Reklama -
spot_img
- Reklama -

Artikujt e Fundit