18.5 C
Tirana
E diel, 25 Shkurt 2024

Qeveria kurseu 16 mln euro nga paketa antikrizë – La 3 muaj pa mbështetje shtresat në nevojë dhe pensionistët

Duhen Lexuar

Pavarësisht rritjes së vazhdueshme të çmimeve dhe vështirësive të qytetarëve për përballimin e tyre, qeveria ka kursyer afro 1.9 miliardë lekë apo 16.1 milionë euro nga fondi i vënë në dispozicion për paketën e rezitencës sociale që u ndërmor pikërisht me qëllimin e zbutjes së pasojave të krizës.

Ky është bilanci i bërë në fundvit nga qeveria dhe i pasyquar në ndryshimet buxhetore, të cilat ndodhin për herë të tretë përgjatë këtij viti. Konkretisht, sipas aktit normativ të datës 1 dhjetor 2022, rezulton se fondi total i vënë në dispozicion për paketën e rezistencë sociale ishte 12.1 miliardë lekë, nga të cilat janë përdorur 10.2 miliardë lekë.

Në muajin Mars, me aktin e parë normativ, qeveria vendosi indeksimin e pensioneve në masën 3.3%,  kompensim 3 mijë lekë në muaj për pensinistët dhe familjet në nevojë për 3 muaj ku përfitues ishin 434 mijë individë, rritjen e pagës minimale, si dhe ndërmori masa të tjera, që preknin bizneset dhe sektorët të veçantë.

Pas kësaj pakete e cila i shtrinte efektet deri në fund të Qershorit, për 3 muaj përgjatë Korrik-Shtator, shtresat në nevojë u lanë zbuluar dhe nuk pati asnjë lloj ndihme apo reagimi nga ana e qeverisë, e cila vendosi që në mesin e  muajit shtator të ndërmerrte një paketë të dytë ndihme.

Paketa e dytë u konceptua ndryshe, duke u shtrirë në afatgjatë dhe targetoi më shumë indivdë, ku u vendos indeksimi i pensioneve në masën 6 për qind, rritje e pagesës mujore të ndihmës ekonomike dhe aftesisë së kufizuar, rritje e pagave në sektorin publik dhe rritje e pagës minimale në 34 mijë lekë.

Elisabeta Dosku/


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit