Qeveria shqiptare miratoi në mbledhjen e sotme vendimin që përcakton kategoritë e strukturave akomoduese. Klasifikimi bëhet sipas tipologjisë, funksionit, mënyrës së organizimit dhe karakteristikave të shërbimit të akomodimit.
Njëmbëdhjetë kategoritë
Sipas vendimit, strukturat akomoduese ndahen në këto kategori:
- Bujtinë (shtëpi pritëse)
- Fjetinë (hostel)
- Kamping
- Hotel
- Motel
- Resort
- Qendër kurative
- Fjetje dhe mëngjes (B&B)
- Apart-hotel
- Strukturë akomoduese e trashëgimisë kulturore
- Resort miks, si nënkategori e resortit, vetëm për qëllime të certifikimit paraprak të zhvillimit të integruar
Certifikatat ekzistuese
Vendimi parashikon gjithashtu se certifikatat e kategorizimit të lëshuara para hyrjes së tij në fuqi vazhdojnë të jenë të vlefshme, në përputhje me legjislacionin në fuqi për turizmin. Këtu përfshihen edhe certifikatat për kategoritë “apartament”, “vilë”, “dhomë”, “bllok apartamentesh” dhe “hotel i shpërndarë”.
