Punimet për rikonstruksionin e 5 kilometrave të para të rrugës Kombinat – Ndroq – Plepa kanë përfunduar, ndërsa Autoriteti Rrugor Shqiptar ka lidhur kontratë edhe për rikonstruksionin e 9 kilometrave të tjera të këtij aksi.
Ministri i Infrastrukturës dhe Energjisë, Enea Karakaçi, gjatë një inspektimi në terren, njoftoi se është siguruar gjithashtu financimi për 10 kilometrat e mbetura, deri në Durrës.
Alternativë ndaj autostradës Tiranë – Durrës
Karakaçi theksoi rëndësinë e kësaj ndërhyrjeje. Rikonstruksioni i rrugës, e cila shërben si alternativë ndaj autostradës Tiranë – Durrës, synon përmirësimin e kushteve të qarkullimit, rritjen e sigurisë rrugore dhe lehtësimin e lëvizjes për banorët dhe automjetet që e përdorin këtë aks.
