16.5 C
Tirana
E diel, 16 Qershor 2024

Sa biznese janë shtuar në Shqipëri? – 2023-shi shënon rritje, mbi 13 mijë fermerë formalizohen

Duhen Lexuar

Ecuria pozitive e ekonomisë përgjatë vitit 2023 është reflektuar edhe në rritjen e numrit të bizneseve të reja. Sipas të dhënave zyrtare nga Drejtoria e Përgjithshme Tatimeve të siguruara nga ScanTv,  rezulton se  numri i tatimpaguesve aktive, që  kanë një përgjegjësi tatimore në Regjistrin Kombëtar në fund të vitit 2023, regjistrohet në  127,698 tatimpagues gjithsej nga 123,340 tatimpagues në fund të vitit 2022. E thënë ndryshe janë afro  4,358 tatimpagues aktivë aktive më shume se në 2022-shin.

Sipas kategorizimit te tatimpaguesve, bazuar nivelit te qarkullimit te realizuar dhe vetëdeklaruar, në fund të vitit rezultojnë: 93,709 tatimpagues te regjistruar në biznes të vogël, 31,222 tatimpagues në biznes të madh dhe 2,767 të tjerë .

Në shifrën gjithsej te tatimpaguesve aktivë rezultojnë te regjistruar në përgjegjësinë tatimore TVSH 34,767 tatimpagues ne fund te vitit 2023, nga të cilët 9,450 janë tatimpagues të biznesit të vogël.

Të dhënat e tatimeve tregtojnë se gjatë vitit 2023 u regjistruan si tatimpagues të rinj për herë të parë 18,777 subjekte, ku rezulton 604 më me shume se viti 2022. Ne numrin e tatimpaguesve aktive nuk janë përfshirë 96,835 fermerë/prodhues bujqësorë të cilët nuk kanë përgjegjësi tatimore.

Vetëm ne vitin 2023 u regjistruan nga Drejtoritë Rajonale Tatimore ne rrethe 12,995 fermerë.  Ky numër pritet të vijë sërish në rritje përgjatë këtij viti për shkak të skemave kombëtare, ku kusht kryesor për përfitim është pajisja me niptin e fermerit.

Elisabeta Dosku/


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications