Pas një faze zgjerimi të shpejtë që pasoi vitin 2021, turizmi në Shqipëri ka shënuar një ndalesë në vrullin e tij të deritanishëm, duke vijuar një rritje të qëndrueshme që kishte nisur qysh në vitin 2016. Destinacionet vendase morën vëmendje të gjerë në rrjetet sociale, veçanërisht përmes sinonimit "Maldivet e Europës" që u përdor për të promovuar Ksamilin.
Ky hov turistik ndikoi drejtpërdrejt në orientimin e ekonomisë kombëtare drejt sektorit të shërbimeve, duke sjellë zgjerim të ndjeshëm të kapaciteteve akomoduese dhe të njësive të banimit në të gjithë vendin.
Megjithatë, zhvillimet e fundit dhe sfidat e reja fiskale po ndikojnë ndjeshëm te operatorët e këtij sektori. Ndryshimet në skemën e taksimit, ku përfshihet ulja e pragut për bizneset e vogla si dhe rritja e TVSH-së për hotelet, pritet të shtojnë barrën financiare mbi bizneset, duke lënë hapësira për fitime minimale në këtë industri.