29.5 C
Tirana
E enjte, 13 Qershor 2024

U financua vetëm gjysma e fermerëve – Nga fondet në bujqësi përfituan 8.825 aplikantë në 12 qarqe të vendit

Duhen Lexuar

Fondet e vëna në dispozicion gjatë këtij viti në sektorin bujqësor për mbështetjen e fermerëve përmes skemës kombëtare kanë arritur të mbulojnë pothuajse gjysmën e kërkesës.

Referuar raportit të Ministrisë së Bujqësisë mbi zbatimin e buxhetit në 8- mujor del në pah se nga numri total i aplikimeve në skemë prej 13.966, në fund të të gjithë procesit kanë përfituar fonde vetëm 8825 fermerë, apo e thënë ndryshe 63.1 për qind e totalit.

Ky numër ka ardhur edhe për shkak të mungesës së dokumentacionit të disa aplikantëve por edhe për arsye të mungesës së fondeve në dispozicion, duke bërë që shumë fermerë të mbeten jashtë vijës së përfitimit. Fondi total i vënë në dispozicion për këtë vit ishte 3.2 miliardë lekë dhe synohej të ndahej në mënyrë propocionale tek të gjithë ata që plotësonin kriteret, edhe pse skema nuk e lejon pasi në disa masa, përfitimi është për numër bagëtish, numër kosheresh, etj.

Sipas raportit, interesi më i lartë ka qenë për masën e blegtorisë me rreth 61.7% të aplikimeve (matrikullim gjedh dhe matrikullim dele/dhi), ndjekur nga mbështetja për bletarinë me rreth 27.9% të totalit të aplikimeve.

Të dy këto sektorë kanë nevojë për mbështetje më të lartë, duke qenë se blegtoria tashmë prej vitesh është në një trend rënës, ndërsa bletaria ka potencial rritje shumë më të lartë se ku ndodhet aktualisht. Shifrat tregojnë në tërësi nevojën që ka për rritje të financimit për bujqësinë përmes subvencioneve.

Elisabeta Dosku/


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications