14.5 C
Tirana
E premte, 1 Mars 2024

Zvicra ndalon makinat elektrike?! – Shqyrtohen masat për përballimin e krizës energjetike

Duhen Lexuar

Zvicra po shqyrton ndalimin e udhëtimeve jo thelbësore me makina elektrike këtë dimër. Qeveria e vendit ka promovuar një plan emergjence për të parandaluar ndërprerjet e energjisë elektrike.

Në nivelin më të ulët të alarmit, parashikohet që ngrohja në ndërtesa të mos kalojë 20 gradë Celsius dhe rekomandohet që lavatriçet të funksionojnë deri në 40 gradë Celsius.

Në nivelin tjetër, ngrohja në ndërtesa bie në 19 gradë Celsius, ndërsa cilësia e videos në shërbimet e transmetimit (si Netflix) kërkohet të ulet nga HD në normale.

Nëse gjërat përkeqësohen, atëherë dyqanet do të duhet të mbyllen dy orë më vonë dhe makinat elektrike do të duhet të kufizohen vetëm në udhëtime absolutisht thelbësore. Parashikohet edhe fundi i ujit të ngrohtë në tualetet publike.

Në një fazë të mëvonshme, shkallët lëvizëse do të fiken, ashtu si edhe ndriçimi i jashtëm i Krishtlindjeve. Gjithashtu do të ndalohet shfrytëzimi i kriptomonedhave, ndërsa pishinat do të mbyllen dhe do të reduktohet ndriçimi në stadiume.

Së fundi, ndër masat më të rrepta për të parandaluar ndërprerjet e energjisë elektrike është ndalimi i ngjarjeve sportive, koncerteve dhe shfaqjeve teatrale. Natyrisht theksohet se ky është “skenari më i keq”.

Zvicra po përgatitet për një dimër të vështirë për shkak të varësisë së saj nga produktet e importuara të energjisë. Hidrocentralet përbëjnë rreth 60% të furnizimit me energji të vendit. Megjithatë, ky mund të jetë problem, pasi në muajt më të ftohtë kur uji ngrin, Zvicra nuk mund të prodhojë mjaftueshëm energji elektrike dhe detyrohet të importojë.


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit