16.5 C
Tirana
E shtunë, 15 Qershor 2024

50 mln euro kredi franceze për energjinë – Do të përdoret për funksionimin e bursës dhe statusin e klientit në nevojë 

Duhen Lexuar

Përmbushja e reformës në sektorin elektroenergjetik e nisur në vitin 2015, duket se kërkon financime shtesë, teksa një marrëveshje kredie prej 50 mln euro, ka mbërritur në Kuvend për diskutim.

Huaja do të merret nga Agjencia Franceze për Zhvillim, ndërkohë që sipas realcionit shoqërues do të përdoret për krijimin e një tregu të organizuar sipas modelit Bashkimit Europian, që udhëhiqet nga parimet e të qenit transparent, jodiskriminues dhe i qëndrueshëm, bazuar në formimin e çmimit të lirë përmes konkurrencës. Kjo nënkupton funksionim e bursës së energjisë, që aktualisht ndonëse ka nisur operimet nuk përfshin transaksionet kryesore të shit –blerjes së energjisë elektrike.

Paralelisht, teksa i referohet planit strategjik për reformimin e sektorit të energjisë, theksohet se reforma përmban edhe skema të mbështetjes të drejta, transparente, jodiskriminuese dhe minimale për klientët në nevojë, duke sugjeruar se huaja do të përdoret edhe për ndërmarrjn e politikave në këtë drejtim.

Në fakt, ndonëse ka mbi 8 vjet që ligji “Për sektorin e energjisë elektrike” ka hyrë në fuqi, ende nuk janë miratuar aktet nënligjore për statusin e klientit në nevojë, që do i hapnin rrugë kompensimit të shpenzimeve për energji elektrike, nga familjet në vështirësi ekonomike.

Kredia prej 50 milionë euro është pjesë e mbështetjes të buxhetit të shtetit me një total prej 250 milionë euro, e ndarë midis dy institucioneve financiare, ADF 100 milionë euro dhe KfW 150 milionë euro sipas një memorandumi mirëkuptimi të vitit 2018, për huatë për politikat e reformës.

Ola Mitre /


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications