12.5 C
Tirana
E shtunë, 24 Shkurt 2024

Emetimet e gazeve serrë – Prodhuesit e naftës dhe gazit raportojnë nivele më të ulëta se realiteti

Duhen Lexuar

Emetimet e gazeve serrë nga objektet e naftës dhe të gazit në të gjithë botën janë rreth tre herë më të larta se sa pretendojnë prodhuesit e tyre.

Climate Trace, një projekt për matjen në burim të niveleve të vërteta të dioksidit të karbonit dhe gazeve të tjera të ngrohjes, publikoi një raport të ri i cili tregon se gjysna e 50 burimeve më të mëdha të gezeve serrë në botë, ishin në fushën e naftës, gazit dhe objekteve të prodhimit.

Por shumë prej tyre po përgjysmojnë emetimet në raportime dhe ka pak mënyra për t’i kërkuar llogari për këtë.

Prodhimi i naftës dhe gazit mund të shkaktojë rrjedhjen e metanit, dhe gazi gjithashtu shpesh ndizet qëllimisht, gjoja për arsye sigurie, por ndonjëherë dhe për lehtësi. Nivelet atmosferike të metanit, një gaz serrë rreth 80 herë më i fuqishëm se dioksidi i karbonit, janë rritur fuqishëm vitet e fundit, por emetimet e raportuara janë në një nivel shumë më të ulët se sa realiteti.

Ky reduktim i vullnetshëm i emetimeve në raportime është një problem i madh në përpjekjen për të trajtuar krizën klimatike, sipas Al Gore, ish zv/presidenti i Shteteve të Bashkuara të Amerikës, njëkohësisht anëtar themelues i Climate Trace. Ai theksoi se vetëm ajo që matet mund të menaxhohet.

Sipas sistemit të Organizatës së Kombeve të Bashkuara, vendet janë përgjegjëse për raportimin e emetimeve të tyre të gazeve serrë. Gore u shpreh se ka dobësi në këto raportime, por që gjithësesi ekzistojnë mekanizmat e duhur që njerëzit të mbrohen nga mashtrimet.

Për të dëshmuar këtë ai dha shembullin e Arabisë Saudite, duke sqaruar se vendi ka raportuar emetimet si pasojë e prodhimit të naftës dhe gazit. Por pas matjes së bërë nga Climate Trace, ka rezultuar se emetimet janë më të mëdha se ato të raportuara.


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit