9.5 C
Tirana
E diel, 25 Shkurt 2024

Taksë “surprizë” për prodhuesit e naftës në Detin e Veriut – Britania rrit deri në 35% taksën për të “mbushur” financat publike

Duhen Lexuar

Prodhuesit e naftës dhe gazit të Detit të Veriut organizuan një takim pasi Mbretëria e Bashkuar vendosi të rrisë në mënyrë të papritur një taksë mbi sektorin. Një lëvizje kjo që rrezikon investimet sipas tyre, si dhe objektivat e Britanisë së Madhe për të rritur prodhimin vendas. Përkundrazi në këtë rast prodhimi mund të reduktohet.

Gjigantët e energjisë, Shell dhe Equinor, u shprehën se po rivlerësojnë planet e investimeve pas vendimit të javës së kaluar për të rritur taksat nga 25% në 35% për të ndihmuar në mbushjen e një boshllëku në financat publike të Mbretërisë së Bashkuar.

Taksa e menduar të jetë në fuqi nga viti 2025 në 2028-ën, u lejon kompanive të kanalizojnë investimet në projektet e reja të naftës dhe gazit, si dhe në disa projekte për reduktimin e karbonit. Kjo e çon normën totale të taksave në sektorin e naftës dhe gazit në Mbretërinë e Bashkuar në 75%, më e larta në botë.

Shell tha se do të rihartonte planin e saj të investimeve prej 25 miliardë paund  në Mbretërinë e Bashkuar për shkak të një takse të njohur si “Tatimi mbi fitimin e energjisë” (EPL), për të adresuar mungesat e furnizimit dhe investimet në energjinë e rinovueshme. Ndërsa kompania norvegjeze ‘Equinor’ u shpreh se kjo taksë nuk e ka ndihmuar aspak besimin e konsumatorëve. Ajo shtoi se pasiguria, sidomos ajo rreth kohëzgjatjes së këtyre taksave po e bën të vështitë marrjen e vendimeve për investime. Britania po kërkon të rrisë prodhimin vendas të energjisë pasi çmimet u bënë të paqëndrueshme pas pushtimit rus të Ukrainës. ‘Equinor’ pritet të marrë një vendim përfundimtar investimi në tremujorin e parë të 2023-shit për projektin ‘Rosebank’ në Detin e Veriut, një nga më të mëdhenjtë e viteve të fundit.

Projekti ‘Rosebank’ vlerësohet të sjellë 26.8 miliardë paund në ekonominë e Mbretërisë së Bashkuar përmes taksave dhe investimeve, shtoi Equinor.

Deirdre Michie, shefi ekzekutiv i grupit të industrisë “Offshore Energies UK”, tha se prodhimi i Detit të Veriut mund të bjerë në vitet e ardhshme, pa mbështetjen e qeverisë për eksplorime të mëtejshme.

 


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit