10.5 C
Tirana
E shtunë, 24 Shkurt 2024

Europa, faturat e energjisë në nivele rekord – Kosto për familjet është rritur me 67% pavarësisht masave mbështetëse

Duhen Lexuar

Familjet europiane po paguajnë më shumë se kurrë për energjinë elektrike dhe gazin natyror, edhe pse qeveritë shpenzojnë miliarda për të mbrojtur konsumatorët nga kriza energjetike. Çmimi mesatar i shitjes me pakicë për gazin natyror në Bashkimin Europian dhe Britani ishte pothuajse 18 cent euro për kilovatorë në tetor, dyfishi i asaj që ishte në të njëjtin muaj të vitit të kaluar. Kosto e energjisë elektrike për familjet është rritur me 67%, në 36 euro cent për kilovatorë.

Dhe kjo pavarësisht se qeveritë e BE-së kanë shpallur masa prej më shumë se 550 miliardë euro për të mbrojtur familjet dhe bizneset nga rritja e kostove të energjisë. Nëse vendet nuk do ta kishin ofruar këtë mbështetje, faturat e familjeve mund të ishin edhe më të larta.

Në bazë mujore, çmimi mesatar për njësi i energjisë elektrike në muajin tetor është rritur me 3.4%, ndërsa për gazin natyror me 2.5%. Rritja më e madhe mujore ishte në Dublin, ku çmimet e energjisë elektrike u rritën me 44%, ndërsa çmimi mesatar i gazit natyror në Romë u rrit me 97%.

Moti jashtëzakonisht i ngrohtë erdhi si një lehtësim për konsumatorët dhe qeveritë në tetor, pasi më pak njerëz kishin nevojë për të ndezur ngrohjen. Ndërsa çmimet vijojnë të rriten, Europa shkon drejt dimrit, gjë që mund të sjellë telashe për qeveritë që janë përpjekur të mbajnë kostot artificialisht të ulëta, vëren Bloomberg.

Ekspertët mendojnë se, nëse kriza energjetike zgjat një vit ose më shumë, kosto e këtyre masave mbështetëse do të jetë e madhe.


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit