Qeveria vendore nuk arrin të përmbushë detyrimin për të ofruar shërbime publike në nivelin e duhur për qytetarët. Nga vlerësimi i performancës së funksioneve për 2023, vërehet se indikatorët e suksesit janë vetëm “rritja” apo “zvogëlimi” i grantit qeveritar.
Por në cilat funksione “çalon” pushteti vendor? Në një intervistë për , Agron Haxhimali, Drejtor Ekzekutiv i Institutit për Bashkitë e Shqipërisë thekson se problematikat janë në një sërë fushash, nga ajo e furnizimit me ujë, mbetjet e deri tek bujqësia.
Nga ana tjetër, shqetësues vlerësohet fakti se nuk ka pasur asnjë progres për zhvillimin ekonomik të qyteteve, duke bërë që fenomeni i emigracionit të vijojë me ritme të larta.
Referuar raportit vjetor të Institutit për Bashkitë e Shqipërisë, mbi qeverisjen vendore 2023, shumë shpenzime buxhetore sipas natyrës ekonomike funksione si “Ndërgjegjësimi mjedisor” menaxhimi i mbetjeve, apo bujqësia vazhdojnë të jenë po njësoj, në pragun minimal të ushtrimit.
Gjatë 2023 ka pasur sërish rritje të financimit prej buxhetit në nivelin vendor në masën prej +10% krahasuar me 2022, por në pak raste referohet përmirësim i cilësisë së shërbimit apo zgjerim i mbulimit me të.
Elisabeta Dosku/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
