Kryeministri Edi Rama, në reagimin e tij pas protestës, ka bërë të ditur numrin e bizneseve që kanë pësuar dëme, duke theksuar se përmasat e dëmit janë më të vogla nga sa pasqyrohen në media.
Sipas kreut të qeverisë, deri dje rezultonin të dëmtuara 50 biznese, kryesisht dyqane dhe sportele.
“Dëmet janë më të vogla nga ata që duken dhe që amplifikohen në media. Deri dje ishin 50 biznese, kryesisht janë dëmtuar dyqane dhe sportele”, tha kryeministri.
Rama premtoi se për bizneset do të bëhet më e mira dhe se ato do të marrin mbështetje.
Një ditë më herët, kryeministri prezantoi shërbimin “Dëmi im” në e-Albania, përmes të cilit çdo i dëmtuar mund të aplikojë për dëmshpërblim duke ngarkuar dokumentacionin e kërkuar.
