30.5 C
Tirana
E hënë, 24 Qershor 2024

Rritje e ekonomisë në Gjermani – Ekspertët parashikojnë një recesion më të lehtë për vendin

Duhen Lexuar

Ekonomia gjermane shënoi një rritje pak më të madhe se pritshmëritë paraprake mbi shpenzimet e konsumatorit në tremujorin e tretë. Një situatë e tillë shton dhe më shumë shenjat se një recesion i ardhshëm nuk do të godasë aq fort sa mendohej fillimisht, sipas të dhënave të publikuara.

Ekonomia më e madhe e Europës u zgjerua me 0.4% tremujor në tremujor dhe me 1.3% ne vit, sipas zyrës federale të statistikave. Shpenzimet e familjes ishin arsyeja kryesore e rritjes, pasi konsumatorët udhëtonin dhe dilnin më shumë pas heqjes së pothuajse të gjithave kufizimeve të pandemisë së covid 19.

Ekspertët shprehen se nuk është aspak një përfundim i parashikuar që rritja e PBB-së për tremujorin e tretë shënon fundin e ritmeve pozitive të rritjes për momentin. Mes shitësve me pakicë ka pasur një rënie të dukshme të pesimizmit në lidhje për muajt e ardhshëm, sipas institutit ekonomik IFO, dhe shitësit gjermanë kanë raportuar se problemet e furnizimit ishn lehtësuar pak më shumë gjatë muajit nëntor.

Një sondazh i institutit GFK, për ndjenjën e konsumatorit, zbuloi se masat e qeverisë për lehtësimin e energjisë kishin ndihmuar në stabilizimin e moralit në fillim të muajit dhjetor. Por gjithashtu dhe frika për rritjen e fortë të cmimeve të energjisë ishte dobësuar disi.

Megjithatë aktualisht, indeksi është ende afër niveleve të ulëta historikisht, sipas ekspertëve, dhe konsumatorët nuk po e ndjejnë ende kulmin e kostove të larta të energjisë të cilat do të reflektohen vetëm në faturat e ngrohjes vitin e ardhshëm.

Qeveria gjermane ka parashikuar që ekonomia e vendit të rritet me 1.4% këtë vit dhe të tkurret me 0.4% vitin e ardhshëm. Një zëdhënës i ministrisë së ekonomisë u shpreh për agjencinë e lajmeve Reuters, se treguesit aktualë vazhdojnë të konfirmojnë një recesion në gjashtë muajt e ardhshëm. Sipas tij, kushtet për të kaluar një recesion sa më të lehtë janë: moskrijimi i një situate krize për energjinë, të mos ketë zhvillime të vështira në lidhje me Covid si dhe që zinxhirët e furnizimit të vazhdojnë të stabilizohen gradualisht.

Dorina Kurtaj /


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications