Njerëzit e suksesshëm pretendojnë se sekreti i suksesit të tyre fshihet te zakonet që ata ndjekin. Në fakt, kjo është arsyeja pse është kaq e zakonshme të ndeshemi me lista që theksojnë këto “zakone të njerëzve shumë të suksesshëm”.
Si rrjedhojë, leximi i këtyre zakoneve mund t’ju frymëzojë që t’i bëni ato pjesë të jetës tuaj.
Më shumë se sa vetë zakonet, ajo që ka rëndësi është mënyra se si njerëzit e suksesshëm mbështeten te këto zakone për të kontrolluar aspekte të ndryshme të jetës së tyre dhe për të arritur sukses. Merrni si shembull këshilltarin financiar Jeff Rose, themeluesi i Wealth Hacker. Pasi u largua nga një firmë e madhe brokerimi për të krijuar kompaninë e tij, ai ndihej i paplotësuar.
Gjatë rrugëtimit të tij, ai zbuloi se “kishte disa gjëra, disa të përbashkëta që kanë njerëzit e suksesshëm, disa zakone të suksesshme që ata i kishin zbatuar në jetën e tyre të përditshme, të cilat unë ende nuk kisha filluar t’i ndiqja.”
Megjithëse në fillim ishte skeptik, ai bëri disa ndryshime të vogla në jetën e tij për të përvetësuar këto zakone. Me kalimin e kohës, ato patën një ndikim të madh në jetën e tij personale dhe profesionale. Pra, cilat ishin këto ndryshime që bëri ai? Ja cilat janë 6 zakonet e njerëzve të pasur që Rose ju premton se do të ndryshojnë jetën tuaj.
- Flini shpejt, qё tё zgjoheni shpejt
Në fillim, Rose shtrihej për të fjetur rreth orës një ose dy të natës. Ai zgjohej çdo mëngjes duke mos e ditur se sa kundërproduktive ishte kjo, derisa lexoi Miracle Morning nga Hal Elrod.
“E kuptova se nëse e nis ditën tënde pa një qëllim, pa një mision, do të humbasësh shumë”, thotë Rose. “Ju nuk arrini ta kuptoni se sa të papërqendruar dhe të papërkushtuar jeni gjatë asaj dite.”
Duke hulumtuar për njerëzit e tjerë të pasur dhe për rutinat e tyre të mëngjesit, Rose filloi të pyeste veten pse nuk e kishte një rutinë të tillë. “Pse nuk po zgjohesha edhe unë me një qëllim dhe një mision, si gjithë njerëzit e tjerë të pasur?”
“Për shembull, Tim Cook, CEO i Apple, zgjohet në 3:45 çdo mëngjes,” thotë ai. “Roku Dwayne Johnson zgjohet në orën 4:00 të mëngjesit për të bërë stërvitjen e tij.” Sipërmarrësi Gary Vaynerchuk ngrihet në orën 6:00 çdo mëngjes, ose ndoshta nuk shkon fare të flejë. “Por të gjithë këta njerëz, të gjithë këta njerëz të pasur për të cilët kam lexuar, kishin një rutinë të mëngjesit që lidhej thjesht me zgjimin herët,” shton ai.
- Bёni stërvitje rregullisht
Cili ishte ndryshimi i radhës që bëri Rose? Ai vendosi të bëjë stërvitje rregullisht.
“Shtatëdhjetë e gjashtë për qind e të pasurve bëjnë aerobi 30 minuta ose më shumë çdo ditë”, thotë Thomas C. Corley, i cili studioi zakonet e përditshme të 177 milionerëve për pesë vjet, në librin e tij Change Your Habits, Change Your Life. Vrapimi, ecja apo çiklizmi janë të gjitha shembuj të ushtrimeve aerobike.
“Kadio nuk është e mirë vetëm për trupin, por të bën mirë edhe për trurin,” shkroi ai.
“Stërvitja gjithashtu rrit prodhimin e glukozës,” shtoi ai. “Glukoza është lënda djegëse e trurit. Sa më shumë lëndë djegëse të fusni në trurin tuaj, aq më shumë rritet ai dhe ju bëheni më të zgjuar.”
Për më tepër, stërvitja e përditshme çliron endorfinë, e cila përmirëson gjendjen tuaj emocionale. Ajo do t’ju japë më shumë energji, më shumë disiplinë dhe do t’ju hapë derën për njohje të reja. Për më tepër, stërvitja është një mënyrë tjetër për t’ju ndihmuar që të bëni një gjumë më të mirë gjatë natës.
- Meditoni dhe/ose lutuni.
Lutja për të tjerët ose meditimi duhet të jenë pjesë e rutinës suaj të përditshme, p.sh. mund t’i bëni pjesë të rutinës së mëngjesit. Siç shpjegon Rose, kjo ju jep një shans për t’u shkëputur nga përditshmëria, në mënyrë që truri juaj të bëjë pushim. Për më tepër, ekzistojnë prova se përmes meditimit, ju i jepni mundësi trurit tuaj që të ketë një pushim aktiv.
Kjo ndihmon në reduktimin e stresit, të ankthit dhe të depresionit. “Lutja dhe meditimi janë shumë efektive për reduktimin e reagimeve tona ndaj ngjarjeve traumatike dhe negative,” thotë Dr. Paul Hokemeyer. “Ato janë të fuqishme sepse i përqendrojnë mendimet tona në diçka jashtë nesh”.
- Mos harroni qёllimet qё i keni vendosur vetes
“Gjeni një rutinë që është më e mira për ju, në të cilën mund të rivlerësoni qëllimet dhe qasjet tuaja sa më shpesh”, këshillon Max Palmer. “Përndryshe, mund të ndodhë që të bëni të njëjtën gjë pa pasur ndonjë rritje për periudha të gjata kohore.”
Duhet të pyesni vazhdimisht veten: “A dua të punoj ende për këtë gjë?” dhe “A është qasja ime aktuale mënyra më e mirë për ta bërë këtë?” Në fund të fundit, përmbushja e qëllimeve që janë më të vështira për t’u arritur nga ҫfarë kishit menduar fillimisht, është një betejë goxha e vështirë.
- Lexoni më shumë libra
A e dini se të pasurit preferojnë të arsimohen në vend që të argëtohen? Ёshtë e vërtetë. Në fakt, sipas Corley-t, 88% e njerëzve të pasur “i kushtojnë çdo ditë tridhjetë minuta ose më shumë leximit me qëllim edukimin ose përmirësimin e vetes” dhe “shumica e tyre nuk lexon për argëtim”.
“Të pasurit lexojnë për të përvetësuar ose për të ruajtur njohuritë,” tha ai. Por, çfarë lexojnë ata, më saktësisht? Corley thotë se tre llojet e librave që lexojnë të pasurit janë: biografitë e njerëzve të suksesshëm, libra historikë dhe libra për zhvillimin personal.
- Marrëdhëniet duhet tё jenё prioriteti juaj
Zakoni i fundit që Rose ka zbatuar ka të bëjë me vlerësimin e marrëdhënieve.
Për Rose, gjithçka filloi me një grup biznesmenësh. “Më pëlqen të jem në gjendje të rrethohem me sipërmarrës të tjerë të suksesshëm dhe me pronarë të bizneseve të vogla që ishin të përkushtuar për t’u rritur,” thotë ai. “Kishim kaq shumë ngjashmëri, kaq shumë histori që mund të ndanim me njëri-tjetrin, beteja dhe fitore tonat që i diskutonim sëbashku.”
Dhe, mos harroni: gjithmonë, vendosni prioritet familjen dhe miqtë tuaj. Sado e vështirë të jetë puna juaj, përpiquni të jeni në shtëpi deri në darkë në mënyrë që të kaloni kohë cilësore me familjen tuaj.
