6.5 C
Tirana
E premte, 23 Shkurt 2024

Facebook zëvendësohet nga Tesla në “Klubin e Trilionerëve”

Tesla bëhet kompania e dytë që e ka arritur më shpejt ngritje në këtë vlerë 12 vjet pas regjistrimit të saj në bursë. Vetëm Facebook e ka kaluar më shpejt këtë prag, 9 vite nga dalja në tregjet publike.

Duhen Lexuar

Tesla, kompania e Elon Musk, është bërë kompania e gjashtë në botë që arrin vlerën e 1 trilion dollarëve kur të hënën vlera e aksioneve të saj u rrit me 12% dhe një aksion u shit për 1025 dollarë. E gjitha kjo si rezultat i dy lajmeve të mira: Hertz, kompania e makinave me qira e cila operon ne te gjithë botën deklaroi se kishte porositur 100 mijë mjete për flotën e saj; si dhe vendimi deri diku i habitshkëm i analistit të automjeteve Adam Jonas për të shitur me 1200 dollarë aksionet e tij te Tesla.

Gjithsesi, Apple mbetet kompania me vlerën më të madhe në botë, me një vlerë reale prej 2,5 trilionë dollarë. Në vend të dytë qëndron Microsoft, me vlerë reale prej 2,3 trilionë dollarë. Alphabet, kompania mëmë e Google me vlerë reale prej 1.8 trilionë dollarë qëndron në vend të katërt; Amazon qëndron në vend të pestë me një vlerë prej 1,7 trilionë dollarë. Përpara skandalit të publikimit të dokumentave të brendshme, Facebook humbet vendin e tij ne TOP 5 kompanitë me vlerë më të madhe në bote, duke i rënë vlera reale ne 927 miliardë dollarë.

Tesla bëhet kompania e dytë që e ka arritur më shpejt ngritje në këtë vlerë 12 vjet pas regjistrimit të saj në bursë. Vetëm Facebook e ka kaluar më shpejt këtë prag, 9 vite nga dalja në tregjet publike. Apple është kompania së cilës i është dashur më shumë të arrijë vlerën e 1 trilion dollarëve, plot 33 vite. Amazon te Jeff Bezos-it iu deshën 21 vite, ndërsa Google për 15 vjet.

Kjo arritje Tesla-s e bën atë kompaninë e prodhimit të makinave më me vlerë në botë, duke krijuar një diferencë të madhe nga ndjekësit e tjerë të industrisë auto pasi në vend të dytë qëndron kompania e mirënjohur Toyota, vlera e së cilës arrin në 280 miliardë dollarë. Në 2020 Tesla shiti 500 mijë makina në të gjithë botën, ndërsa këtë vit, deri tani ka shitur 627 mijë të tilla dhe synon ta mbyllë vitin 2021 me 1 milion makina të shitura.

- Reklama -
spot_img
- Reklama -

Artikujt e Fundit