Fermerët shqiptarë kanë arkëtuar rreth 12.2 milionë euro si mbështetje përmes skemës së kompensimit me normën 10% nëpërmjet autofaturës. Të dhënat zyrtare të bëra publike nga Drejtoria e Përgjithshme e Tatimeve tregojnë se deri në mbyllje të muajit shtator janë regjistruar gjithsej 5,312 aplikime për këtë paketë kompensimi.
Kjo nismë fiskale ka për qëllim kryesor lehtësimin e barrës financiare për prodhuesit bujqësorë dhe dhënien e një shtyse për zhvillimin e veprimtarisë së tyre në këtë sektor.
Në këtë kuadër, Administrata Tatimore u bën thirrje të gjithë fermerëve të interesuar që të dorëzojnë kërkesat e tyre brenda datës 31 dhjetor. Aplikimet kryhen në rrugë elektronike përmes platformës e-Filing, për të përfituar kompensimin e furnizimeve që janë kryer gjatë harkut kohor janar–qershor 2026.
