16.5 C
Tirana
E shtunë, 15 Qershor 2024

“Jo përjashtime tatimore për pensionet private” – FMN: Mund të sjellin efekte të rënda dhe regresive

Duhen Lexuar

Ndërsa skemat e pensioneve private janë një zgjedhje alternative për qytetarët që kontribuojnë për të pasur një pension më dinjitoz në të ardhme, Fondi Monetar Ndërkombëtar nënvizon disa rreziqe që sjellin elementë të veçantë të funksionimit të tyre.

Sipas një analize të fundit të FMN, qeveria ka inkurajuar pjesëmarrjen vullnetare në fondet private të pensioneve, përmes përjashtimeve tatimore dhe shpenzimeve më të larta të zbritshme për punëdhënësit që regjistrojnë punonjësit e tyre. Por, këto përjashtime tatimore, konsiderohen nga FMN si problematike.

“Skemat vullnetare të pensioneve private mund të ngjallin shqetësime për efekte të rënda dhe regresive lidhur me përjashtimet tatimore, të cilat duhet të kalibrohen me kujdes. Ato në përgjithësi nuk adresojnë mungesën e kontributeve midis grupeve me të ardhura më të ulëta dhe krijojnë efekte të papritura”, thekson Fondi Monetar Ndërkombëtar.

Sipas analizës, shtete me tregje të vogla të kapitalit, siç është në rastin konkret Shqipëria, mund të përballen gjithashtu me sfida për shkak të madhësisë kritike të kapitalit dhe tregjeve financiare si dhe problematikave me kursin e këmbimit. Nga ana tjetër, theksohet se skemat e mirë rregulluara, transparente dhe efikase,  mund të ndihmojnë në rritjen e të drejtave të ardhshme dhe të përforcojnë lidhjen ndërmjet kontributeve dhe përfitimeve.

Gjatë periudhës janar-shtator 2023, në tregun e pensioneve private ushtruan aktivitetin e tyre pesë fonde. Deri në fund të 9-mujorit, tregu regjistron një total asetesh neto prej 6.5 miliardë lekësh dhe një rritje në masën 13.75% krahasuar me fundvitin 2022. Numri i anëtarëve në fondet e pensioneve, në fund të shtatorit 2023 rezultoi 38 mijë anëtarë.

Elisabeta Dosku/


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications