29.5 C
Tirana
E enjte, 13 Qershor 2024

Institucionet, 2.1 mld lekë efekte negative në buxhet – KLSH: U kryen 19 auditime në 4 muaj. Dominon menaxhimi jo efektiv i fondeve

Duhen Lexuar

Mbi 2.1 mld lekë përllogariten efektet negative në buxhetin e shtetit, shkaktuar nga institucionet publike në 4 muajt e parë të këtij viti. Nga 19 auditime të përfunduar, raporti i monitorimit i Kontrollit të Lartë të Shtetit ka vlerësuar se gjatë periudhës janar – prill 2024 efektet negative janë shkaktuar nga dëmi ekonomik, në masën 20 79 mln lekë, menaxhimi jo efektiv i fondeve në vlerën 2 mld lekë dhe gati 87 mln lekë, në mangësi në aktivitetin kontrollues tatimor/doganor.

Sipas raportit të KLSH, vlera e efekteve financiare me pasojë dëm ekonomik në buxhetin e shtetit, është konstatuar në fushën e shpenzimeve, në zërin “Shpenzime në procedura prokurimi dhe zbatim punimesh”. Peshën më të madhe për këto shkelje e zënë bashkitë e Fierit, Shkodrës dhe Lezhës.

Sa i takon menaxhimit jo efektiv të fondeve, KLSH bën me dije se 93 % e totali është në fushën e të ardhurave, kryesisht në të ardhurat e qeverisjes lokale për çështje që lidhen me detyrime për taksat dhe tarifat vendore, mos tarifimit apo përllogaritjes së gabuar të kamatvonesave për përdorimin e pronave të bashkisë nga subjektet private; detyrimeve të pashlyera për subjektet që ushtrojnë aktivitet në fushën e tregtimit të lëndëve djegëse me pakicë, etj.

Pjesa tjetër, prej 7% e totalit të menaxhimit joefektiv është në fushën e shpenzimeve, si rezultat i shkeljeve të disiplinës buxhetore lidhur me likuidimin e shpenzimeve, keq menaxhimin e fondeve të programuara apo mungesë kontrolli në realizimin e procedurave të prokurimit jo në përputhje me kuadrin ligjor.

Paralelisht, KLSH ka konstatuar mangësi në aktivitetin kontrollues doganor me ndikim negativ në performancën e administrimit të të ardhurave doganore, si detyrime dhe penalitete në Degën Doganore Kakavijë, si pasojë e mos arkëtimit të detyrimeve doganore; diferencave prej mos hartimit të deklaratave doganore konform faturës së dorëzuar nga operatori; pagesa detyrimesh doganore në import për të cilat nuk është vepruar në përputhje me kuadrin ligjor, etj.

Gjatë periudhës janar-prill 2024, për 19 auditimet e përfunduara, KLSH ka adresuar rekomandime për 344 masa organizative dhe 3 propozime për ndryshime apo përmirësime ligjore, në institucionet publike të audituara, me qellim marrjen e masave për përmirësimin e situatës.

Ola Mitre /


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications