16.5 C
Tirana
E shtunë, 15 Qershor 2024

Kredi 110.8 mln euro për politikat e zhvillimit – Taksat dhe energjia, huaja nga IBRD bazohet në veprime që tashmë janë ndërmarrë

Duhen Lexuar

Qeveria shqiptare ka marrë një kredi prej 110.8 mln euro nga Banka Ndërkombëatre për Rindërtim dhe Zhvillim, me fokus politikat e zhvillimit.  Sipas tekstit të marrëveshjes së huasë “Rezistenca e parë në Shqipëri dhe zhvillimi i gjelbër”, financimi bazohet në veprime që tashmë qeveria shqiptare i ka ndërmarrë, si dhe në mbajtjen e një politike makroekonomike të përshtatshme. Mbështetja përfshin 3 drejtime, teksa për secilin prej tyre përmenden hapat e ndërmarrë deri më tani nga qeveria, kryesisht përmes miratimit të ndryshimeve ligjore.

Drejtimi i parë përfshin forcimin e qendrueshëmërisë së qeverisë dhe familjeve. Këtu përfshihen nismat e ndërmarra për zgjerimin e bazës së taksimit, përmirësimi i raportimit të riskut fiskal në buxhetin e shtetit apo rritja e përshtatshmërisë klimatike të investimeve publike. Drejtimi i dytë përfshin forcimin e kuadrit të tregut energjetik dhe rritjen e energjisë së rinovueshme dhe eficiencës së energjisë.

Këtu përfshihen hapat e ndërmarrë për rritjen dhe diversifikimin e burimeve të prodhimit të energjisë, tregtimi i energjisë në formë transparente dhe konkurruese, përmes operimit të Bursës Shqiptare të Energjisë Elektrike për tregun e ditës në avancë, apo masat detyruese për reduktimin e konsumit të energjisë në godinat publike. Ndërkohë që drejtimi i tretë i huasë përfshin mbrojtjen e mjedisit dhe reduktimit e çlirimit të karbonit. Në këtë kuadër përmenden hapat e ndërmarrë për reduktimin e qeseve plastike dhe ngritjen e një sistemi për monitorimin, raportimin dhe verifikimin e emetimeve të gazeve me efekt serrë. Kredia do të disbursohet me një transh, ndërsa afati i likujdimit të saj është viti 2028.

Ola Mitre /


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications