15.5 C
Tirana
E diel, 16 Qershor 2024

Mete takim me ambasadorin e Mbretërisë së Bashkuar – Në diskutim marrëdhëniet ekonomike dhe Procesi i Berlinit

Duhen Lexuar

Ministri i Financave dhe Ekonomisë, Ervin Mete ka pritur në një takim zyrtar Ambasadorin e Mbretërisë së Bashkuar në Shqipëri,  Alastair King-Smith. Në këtë takim u diskutua lidhur me marrëdhëniet ekonomike mes Shqipërisë dhe Mbretërisë së Bashkuar dhe interesin dypalësh për zgjerimin e mëtejshëm të tyre në të ardhmen.

Ministri Mete vlerësoi mbështetjen që Mbretëria e Bashkuar ka dhënë për zhvillimin ekonomik të vendit tonë, reformave në funksion të përmirësimit të klimës së biznesit dhe forcimit të shtetit ligjor, e sidomos për procesin e integrimit në Bashkimin Europian.

Nga ana e tij, Ambasadori Alastair King-Smith shprehu angazhimin e Mbretërisë së Bashkuar për të forcuar bashkëpunimin ekonomik mes dy vendeve dhe vijuar mbështetjen për Shqipërinë.

Një temë tjetër diskutimi mes Ministrit Mete dhe Ambasadorit Alastair King-Smith ishte dhe Procesi i Berlinit dhe domosdoshmëria për shtyrjen përpara të tij, në funksion të zhvillimit ekonomik të vendeve të rajonit të Ballkanit Perëndimor dhe përshpejtimit të procesit të integrimit të tyre në BE.

 


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications