Certifikata u hodh si shembull në një faqe të dedikuar për blerjen e këtyre dokumenteve dixhitale të falsifikuara që lejojnë aksesin e personave të vaksinuar kundër koronavirusit në hapësira të ndryshme publike, shkruan EFE.
Ekzistenca e këtij kodi të falsifikuar QR doli në dritë pas një hetimi gazetaresk të kryer nga stacioni televiziv holandez RTL Nieuws, i cili shkaktoi shqetësim tek punonjësit e ministrisë, të cilët besonin se “pasaporta COVID-19” është një sistem jashtëzakonisht i sigurt. Kur kodi QR u skanua në aplikacionin zyrtar të qeverisë holandeze, u shfaq një rezultat jeshil, që tregonte se personi nuk kishte COVID-19, megjithëse kodi përfshinte emrin e Adolf Hitlerit dhe data e lindjes përmendej 1 janar 1900.
Kodi u shpërnda nga një hacker në një faqe interneti për të provuar se ai mund të krijojë një kod QR në emrin e kujtdo dhe i vlefshëm në të gjitha vendet e BE-së.
Rasti i dytë i publikuar menjëherë pas rastit të Adolf Hitler ka qenë publikimi i kodit QR dhe Certifikatës së Vaksinimit të heroit të fëmijëve në të gjithë botën, Micky Mouse, me datëlindj 31.12.2001.
Këto raste vijnë menjëherë pas rastit të parë publik pë falsifikimin e kodeve QR për GreenPass në Hollandë, pasi në shtator, një 20-vjeçar u arrestua atje si i dyshuar për mashtrim me kodin QR, ku hetimi çoi në pezullimin e disa punonjësve në sektorin e kujdesit shëndetësor holandez për pjesëmarrje të mundshme në krijimin e këtyre kodeve.
