18.5 C
Tirana
E diel, 25 Shkurt 2024

Prof.Dr. Christopoulos vizitë në Universitetin Mesdhetar, ja aktivitetet që u zhvilluan

Duhen Lexuar

Gjatë muajit të kaluar Prof. Dr. Dimitris Christopoulos, Dekan i Fakultetit të Shkencave Politike të Universitetit Panteion Athinë, Greqi, zhvilloi një vizitë një javore në Universitetin Mesdhetar të Shqipërisë. Prof. Dr. Dimitris Christopoulos. Dimitris Christopoulos është profesor i teorisë së shtetit dhe teorisë juridike në Departamentin e Shkencave Politike dhe Historisë së Universitetit Panteion të Athinës ku jep mësim që prej viti 2003.

Në vitin 2021 zgjidhet Dekan i Fakultetit të Shkencave Politike të Universitetit Panteion. Ka dhënë mësim si profesor i ftuar në universitete të ndryshme në Evropë dhe SHBA. Ai ka botuar në greqisht, anglisht, frëngjisht, portugalisht, hebraisht, shqip dhe serbo-kroatisht në revista shkencore apo revista në fushën e teorisë juridike dhe politike duke u fokusuar në çështje që lidhen me të drejtat e njeriut, të djathtën ekstreme, minoritetet, migrantët dhe shtetësinë.

Gjatë ditëve në Universitetin Mesdhetar Prof. Christopoulos mbajti një leksion të hapur me temë “Një shekull i marrëdhënieve greko-shqiptare: lëvizjet e popullsisë dhe identitetit” si dhe një prezantim të dokumentarit të shkurtër “Emigrimi shqiptar në Greqi si faktor i lindjes së një identiteti të ri shqiptaro-grek në fillimin e shekullit të 21të” të përgatitur nga ai dhe studentë të Universitetit Panteion Studentët i përkasin brezin të dytë të emigrantëve shqiptarë në Greqi. Në dokumentar diskutohet në lidhje me çështje të ndërtimit të identitetit kolektiv, për shtresëzimet identitare, për emigrimin, për nacionalizmin. Studentët dhe profesor Christopoulos patën mundësinë të diskutojnë këto çështje edhe me studentët e Universitetit Mesdhetar të cilët ishin të pranishëm gjatë shfaqjes së dokumentarit.

https://drive.google.com/file/d/1kRAJwYGCXH1p3ixHdVEeehPEfvhMYaFR/view
- Reklama -
spot_img
- Reklama -

Artikujt e Fundit