16.5 C
Tirana
E diel, 16 Qershor 2024

“90 milionë euro fonde shtesë për bujqësinë” – KASH: Të rritet buxheti! Ja rreziqet që vijnë nga nënfinancimi

Duhen Lexuar

Këshilli i Agrobiznesit Shqiptar ka vërejtje dhe pakënaqësi për buxhetin e akorduar për sektorin bujqësor vitin e ardhshëm për shkak të reduktimit të fondeve në tërësi dhe të atyre që prekin skemat e mbështetjes në veçanti.

Sipas KASH,  qeveria ka programuar për Ministrinë e Bujqësisë për vitin 2024  krahasuar me shpenzimet e miratuara për vitin 2023, të ulë në total buxhetin e shpenzimeve masën  11.6 %;  të ulë investimet e huaja dhe të brendshme në masën 28.8 % dhe të rrisë pagat në nivelin 28.4 %.

Sipas vlerësimit të situatës nga terreni KASH parashikon që mangësitë e programit të shpenzimeve do të ndikojnë negativisht në zhvillimin ë zonave rurale në disa drejtime kryesore, siç është humbja e konkurrueshmërisë së prodhimeve bujqësore dhe blegtorale , rritja e çmimeve për konsumatorë, rritja e kostove për fermerët në raport me mallrat e importit, mbështetja më të ulët për skemën e naftës si dhe nxitja e mëtejshme të shpopullimit dhe lëvizjes së  fuqisë punëtore aktive nga zonat rurale.

Për këtë arsye, Këshill i  Agrobiznesit Shqiptar  i sugjeron Parlamentit që në buxhetin e shpenzimeve të vitit 2024 për Ministrinë e Bujqësisë të shtohen  minimalisht edhe  9.45 miliard lekë ose 90 milion euro nga të cilat 500 milionë lekë të shkojnë për infrastrukturën e ujitjes dhe kullimit;  6.5 miliardë lekë për zhvillimin rural; 2 miliard lekë për sigurinë ushqimore dhe 500 milionë lekë për mbështetjen e peshkimit dhe akuakulturës.

Sipas KASH fondet shtesë nevojiten për të përballuar nevojat me minimale të detyrimeve institucionale që ka Ministria e Bujqësisë ka ndaj sektorit privat, por edhe pasojat negative qe i vijnë sektorit nga disa faktorë siç janë ngrirja e procedurave të disbursimit të fondeve IPARD III; inflacioni dhe konjuktura e pafavorshme e çmimeve te import- eksportit në tregun ndërkombëtar; Pasojat e luftërave dhe pasojat negative nga përkeqësimi kushteve atmosferike.

Elisabeta Dosku/


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications