Gjatë krizës së pandemisë COVID-19, një përqindje e madhe e punonjësve në BE u përballën me ndryshimin e modeleve të punës, duke përfshirë punën nga shtëpia. Në vitin 2019, rreth 1 në 20 (5.5%) të punësuar 20-64 vjeç zakonisht punonin nga shtëpia. Ndikimi i krizës COVID-19 ishte i dukshëm pasi kjo përqindje u dyfishua në vitin 2020 në 12.3% (+6.8 pikës përqindje). Në një masë më të vogël, pati një rritje të mëtejshme në përqindjen e njerëzve që zakonisht punojnë nga shtëpia në vitin 2021, duke arritur në 13.5% (+1.2%).
Shifrat për punën nga shtëpia në vitin 2021, sipas rajoneve në BE, tregojnë se në 95 rajone shkalla ishte mbi mesataren e BE-së, krahasuar me 140 rajone që regjistruan norma nën mesataren.
Shkalla më e lartë midis rajoneve është regjistruar në Stokholm – kryeqyteti i Suedisë – ku dy në pesë punonjës (ose 40.5%) zakonisht punonin nga shtëpia në vitin 2021. Norma të larta janë regjistruar gjithashtu në Irlandë (39.3% e të punësuarve ) dhe Helsinki-Uusimaa në Finlandë (37.0%).
Përqindja e punonjësve në BE që zakonisht punojnë nga shtëpia u rrit me 8 pikë përqindjeje midis 2019 dhe 2021. Rritja më e mprehtë e përqindjes së punonjësve që punonin nga shtëpia u regjistrua në Irlandën Lindore dhe Midland dhe Stokholm, (+33a, 1% dhe +32,8%, përkatësisht).
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
