30.5 C
Tirana
E hënë, 24 Qershor 2024

Bonot e thesarit mbi 5%, ndryshojnë sjellje të gjithë aktorët – Bankat rrisin blerjet, individët i pakësojnë, Qeveria emeton më shumë borxh 1-vjeçar

Duhen Lexuar

Rritja e normës bazë të interesit ka ndryshuar rrënjësisht sjelljen e aktorëve në tregun e bonove të thesarit e obligacioneve. Ndërsa bankat u qëndruan më së shumti larg letrave me vlerë për gjithë gjysmën e parë të vitit, ato tashmë kanë ndryshuar tërësisht sjellje duke shtuar me rreth 130 milionë dollarë investimet, ndërkohë që e kundërta ka ndodhur me individët, të cilët kanë ulur praninë në këtë treg. Sjellje ka ndryshuar edhe qeveria, e cila shtoi ndjeshëm huamarrjen gjatë tremujorit të tretë, në një kohë që gjatë dy tremujorëve të mëparshëm nuk arrinte të plotësonte dot shumat e kërkuara.

Sipas të dhënave zyrtare të bankës së Shqipërisë, huamarrja neto në tregun e brendshëm të titujve u shtua me 7 miliardë lekë në tremujorin e tretë. Kjo shtesë u formua tërësisht nga emetimi i instrumenteve deri në një vit, të cilat kompensuan edhe pakësimin me 4 miliardë lekë të portofolit në tituj afatgjatë. Në fund të shtatorit, huamarrja neto në tregun e brendshëm rezultoi rreth 4 miliardë lekë, nga 33 miliardë e planifikuar në total për vitin 2022. Mosplotësimi i shumave të shpallura për emetim kryesisht gjatë gjysmës së parë të vitit, ka spostuar në gjysmën e dytë një shumë relativisht të lartë të financimit të brendshëm të deficitit.

Bankat kanë shtuar pjesëmarrjen në ankandet e titujve të qeverisë, me rreth 13 miliardë lekë në tremujorin e tretë, pas stepjes që ato shfaqën në fund të tremujorit të parë e pjesërisht në tremujorin e dytë. Politikat e investimit në tituj qeveritarë janë orientuar drejt instrumenteve afatshkurtra, duke sjellë një përshtatje të strategjisë së huamarrjes së qeverisë me preferencat e bankave tregtare. Individët, nga ana tjetër, janë tërhequr nga investimet në tituj qeveritarë gjatë këtij tremujori, duke kanalizuar pjesërisht kursimet e tyre drejt depozitave në sistem bankar. Institucionet e tjera financiare jobanka vijojnë ta vlerësojnë tërheqës investimin në tituj qeveritarë, duke shtuar edhe më tej ekspozimet e tyre ndaj letrave me vlerë të qeverisë.

Lorenc Rabeta /


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications