16.5 C
Tirana
E diel, 16 Qershor 2024

Buxheti dhe paketa fiskale, ekspertët kërkojnë vëmendje për qytetarët dhe bizneset në çdo bashki

Duhen Lexuar

Buxhet dhe paketë fiskale me në thelb qytetarin e bizneset veçanërisht në rrethe, me qëllim frenimin e largimit vetëm drejt Tiranës apo Perëndimit. Është kjo formula që ekspertë të financave vendore propozojnë në një kohë që Ministria e Financave dhe Ekonomisë ka nisur punën për hartimin e projekt-buxhetit dhe paketës fiskale që shoqëron atë për vitin e ardhshëm.

“Mendoj se duhet të ketë një lloj syri kritik dhe vlerësimi kritik mbi efektshmërinë e politikave që ne kemi ndërmarrë dhe atyre që presim për vitin 2024”, shprehet Merita Toska, pedagoge, eksperte e financave vendore.

“Mendoj që më shumës e sa vlera totale e buxhetit është mënyra se si shpenzohen ato dhe ku shkojnë këto para. Në 10-vjeçarine  fundit, po të shikojmë të dhënat kemi një rritje të qenësishme të burimeve financiare në dispozicion të bashkive, po ajo që është e rëndësishme është mënyra se si përdoren këto burime sepse përcakton në mënyrë të drejtpërdrejtë cilësinë e jetesës së një komuniteti të caktuar”.

Të dhënat nga Ministria e Financave dhe Ekonomisë tregojnë se buxheti për pushtetin vendor që jepet nga qeveria në vite është rritur nga 25 miliardë lekë në 2019-n në 31 miliardë vitin e shkuar. Marrë parasysh zgjerimin e Prodhimit të brendshëm Bruto gjatë këtij viti, për 2024-n rrjedhimisht bashkitë do të kenë edhe më shumë para në dispozicion.

Për eksperten Toska vëmendje e veçantë duhet t’i kushtohet edhe Paketës Fiskale të vitit të ardhshëm e cila sipas saj duhet të jetë e orientuar tek barazia në taksim dhe tek eliminimi i favorizimeve të bëra në sektorë të ndryshëm të ekonomisë.

 “Ky është një dimension. Ulja e barrës fiskale, ngarkesës fiskale pasi edhe bizneset nuk po përjetojnë ditët më të mira si pasojë e zhvillimeve brenda dhe jashtë vendit.”

Ndryshimet fiskale tashmë të miratuara për vitin e ardhshëm përfshijnë taksimin me 15 deri në 23 për qind të profesioneve të lira, si dhe futjen në sistemin e tatimeve të të ardhurave nga rrjetet sociale dhe atyre nga dhënia me qira e apartamenteve.

Burimi: A2 CNN

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications