16.5 C
Tirana
E diel, 16 Qershor 2024

Edhe shoqëritë e kursim-kreditit, kasat plot me euro – Volumi i monedhave dhe kartmonedhave të SHKK-ve, mbi 110 Milionë euro në 2023

Duhen Lexuar

Viti 2023 ka sjellë rritje të treguesve të shoqërive të kursim-kreditit, si sa i përket aktiveve, ashtu dhe të sasive të depozitave dhe parave Cash. Por në mënyrë të veccantë kanë rritur gjendjen e kartmonedhave në valutë, sidomos ato në monedhën e përbashkët evropiane.

Nga afërisht 80 milionë euro në fund të vitit 2022, sasia e kartmonedhave dhe monedhave në valutë ka qëndruar në kuotat e rreth 110 milionë euro për të tre tremujprët e vitit aktual. E thënë më ndryshme, në tremujorin e parë 2023 sasia e monedhave dhe kartmonedhave në valutë të SHKK-vë është rritur me 37% karahasuar me tremujorin e mëparshëm.

Më specifikisht, sipas të dhënave zyrtare të Bankës së Shqipërisë, nga 8.52 miliardë lekë, apo afërisht 80 milionë euro në fund të vitit 2022, gjendja e monedhave dhe kartmonedhave në valutë ka kërcyer në 11.10 miliardë lekë, apo afërisht 110 milionë euro në tremujorin e parë 2023.

Në tremujorin e dytë volumi i tyre është rritur edhe më tej 11.39 miliardë lekë, apo afërisht 113 milionë euro.  Në tremujorin e tretë karmonedhat dhe monedhat në valutë të SHKK-ve kanë shënuar rënie të lehtë, në 10.8 miliardë euro, por gjithësesi duke mbetur në rritje të fortë krahasuar me vitin e shkuar.

Rritje gjatë këtij viti ka shënuar edhe volumi i karmonedhave në zotërim të SHKK-ve në lekë, gjithësesi me ritme shumë më të moderuara se ato në valutë. Nga 24.76 miliardë lekë në fund të vitit 2022, gjemdja e kartmonedhave në lekë është rritur në 30.27 miliardë në tremujorin e parë 2023. Për dy tremujorët pasardhës, volumi i tyre rezulton   32.72 dhe 32.65 miliardë lekë.

Ndërkohë që në rritje për këtë vit është edhe totali i aktiveve të këtij sektori. Nga 14,6 miliardë lekë në fund të vitit 2022, sektori ka shtuar totalin e aseteve në 14,5 miliardë në tremujorin e parë të këtij viti. Më e ndjeshme është rritja për tremujorin e tretë të vitit, kur totali i aktiveve të sektorit ka shkuar mbi 15.1 miliardë lekë, apo afërisht 15.1 miliardë lekë.

Lorenc Rabeta/


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications