12.5 C
Tirana
E premte, 1 Mars 2024

Energjia elektrike, 8 procedime në polici – OSSH, kontrolle gjatë natës. 30% e humbjeve në rrjet, për shkak të vjedhjeve

Duhen Lexuar

Operatori i Sistemit të Shpërndarjes ka ndërmarrë kontrolle gjatë natës për vjedhjen e energjisë, teksa 8 procedime janë depozituar në polici për vjedhje të energjisë elektrike nga familjarë dhe biznese për linja të dyta dhe ndërhyrje në matës.

Përmes një publikimi në rrjetet sociale, Operatori i Shpërndarjes së Energjisë Elektrike ka njoftuar se kontrollet dhe verifikimet në kabina, matësa dhe linja për objekete që abuzojnë me energjinë janë kryer nga Malësia e Madhe deri në fshatrat e thella të Beratit. Nisja e kontrolleve kundër lidhjeve të paligjshme të energjisë elektrike u njoftua gjatë muajit shtator edhe nga Ministria e Brendshme.

Ky dikaster deklaroi në atë kohë se funksionimi i Task – Forcës vinte pas shpalosjes së planit të qeverisë për të përballuar vjeshtë – dimrin në kushtet e krizës ndërkombëtare të energjisë. Ndërkaq, të dhënat e fundit të disponueshme nga Enti Rregullator I Energjisë tregojnë se mbi 1 mln Mëh energji humbën në rrjetin e shpërndarjes përgjatë periudhës janar – gusht të këtij viti për shkak të rrjetit të amortizuar apo vjedhjeve.

Sipas të dhënave, sasia më e madhe e humbjeve vjen si pasojë e rrejtit, me rreth 70% të totalit, ndërkohë që pjesa tjetër prej 30% shkaktohet nga lidhjet e paligjshme. Në krahasim me të njëtjën periudhë të një viti më parë ka një reduktim të lehtë të humbjeve, por gjithsesi niveli mbetet i lartë, duke qenë se arrin në 20.4% të energjisë totale.

Kjo nënkupton se shpenzimet për mbulimin e tyre për financat e kompanive publike janë të larta, duke marrë në konsderatë edhe çmimin e lartë me të cilin po blihet energjia në tregun e parregulluar.

Ola Mitre /


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit