21.5 C
Tirana
E hënë, 15 Korrik 2024

Teknologji smart në 11 nënstacione elektrike – Firmoset kontrata me KfW, reduktim i humbjeve në rrjet dhe rritje e sigurisë së furnizimit 

Duhen Lexuar

Operatori i Shpërndarjes së Energjisë Elektrike do të nisë investimin për modernizimin e 11 nënstacioneve elektrike në Tiranë dhe Durrës. Administratori i OSHEE Group, Enea Karakaçi, firmosi kontratën e financimit me Bankën Gjermane për Zhvillim – KfW, në kuadër të projektit “Programi i Investimeve për Shpërndarjen e Energjisë Elektrike I”, që ka për qëllim të rrisë kapacitetin e Sistemit të Shpërndarjes së Energjisë, të reduktojë humbjet si dhe të garantojë sigurinë dhe cilësinë e furnizimit me energji elektrike.

Kontrata ka për qëllim rikonstruksionin e nënstacioneve, si dhe adaptimin për të operuar apo manovruar online, përmes sistemit SCADA. Sipas OSHEE, investimi sjell avantazhe për klientët e të gjitha kategorive, pasi eviton apo parandalon avaritë që mund të vijnë nga ngarkesat në rrjetin elektrik, si dhe redukton kohën e manovrimit në objekt, pasi veprimet kryhen në distancë.

Aktualisht OSHEE Group është duke zhvilluar disa investime në sektorin e pajisjeve inteligjente, si në vendosjen e matësave smart në disa rajone të vendit, instalimin e sistemit modern të matjes së energji elektrike, etj.

Përmes këtyre investimeve 462 kabina dhe 1622 konsumatorë privatë do të pajisen me matës inteligjentë të energjisë elektrike, duke synuar përmirësimin e sitemit të matjes dhe uljen e humbjeve. Instalimi i matësve inteligjentë në kabinat e tensionit të mesëm dhe të ulët përfshin rajonet Shkodër, Tiranë dhe Vlorë. Ndërkohë që, te konsumatorët fundorë privatë do të bëhet në rajonet Shkodër, Durrës dhe Vlorë.

Ola Mitre /


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications