Kompania do të fillojë tregtimin në bursë të aksioneve MVRS nga 1 dhjetori nën emrin e ri të markës, njoftoi Facebook në një njoftim për shtyp .
Ndryshimi i shumëpritur i emrit vjen një javë pasi The Verge raportoi se kompania po ri-brandohej për t’u fokusuar në misionin e saj “metaverse”.
Zuckerberg njoftoi publikisht në Korrik të këtij viti se donte që Facebook të bëhej një “kompani metaverse”. Javën e kaluar, kompania tha se do të punësonte 10.000 persona në të gjithë Europën për të ndërtuar projektin e saj metaverse.
Metaverse është një hapësirë virtuale ku njerëzit mund të ndërveprojnë në mënyrë dixhitale duke përdorur avatarë.
Aplikacioni kryesor social i Facebook do të ekzistojë nën emrin e markës së re, ashtu si edhe pjesa tjetër e produkteve të kompanisë, si Horizon dhe WhatsApp. Ky tip organizimi kujton pak me Google e cila operon nën ombrellën e kompanisë nën emrin Alphabet.
Pavarësisht raporteve se kompania do t’i nënshtrohej një ristrukturimi të madh të korporatës, ashtu si Alphabet dhe Google, Facebook tha se “struktura e saj e korporatës nuk do të ndryshojë”. Raporti financiar i kompanisë tani do të ndahet në dy segmente operative: “Reality Labs” dhe “Familja e Aplikacioneve”.
Facebook ka pasur një periudhë të vështirë këto javët e fundit pasi dokumentet e zbuluara nga ish punonjësja e tyre ekspozuan praktikat e diskutueshme të biznesit të kompanisë. Ajo ka theksuar gjithnjë e më shumë misionin e saj metaverse. Por ndërsa ekspertët mendojnë se vënia e theksit tek metaverse ishte një lëvizje “gjeniale” e marketingut , kompania nuk ka kaluar ende problemet me nxjerrjen e dokumentave inkriminuese të cilat kanë shkaktuar reagime jo fort të këndshme publike – ndaj ekspertët mendojnë se ndryshimi i emrit nuk do ta shmangi kompaninë nga lumi i kritikave.
Kompania ka të ngjarë të përpiqet “të devijojë diskutimet publike nga problemet e tyre aktuale në metaverse, e cila është emocionuese dhe futuriste,” tha Anne Olderog, një partnere e lartë në firmën konsulente Vivaldi me 20 vjet përvojë në strategjinë e markës. “Dhe me të vërtetë, askush nuk e kupton me të vërtetë metaversin, dhe ky është gjithashtu një veprim i shkëlqyer,” shtoi Olderog. Ajo tha gjithashtu se edhe se ndryshimi i emrit ishte emocionues dhe krijoi vrull, tanimë publiku mund të shohë me siguri përtej gjërave të tilla tashmë”.
