Përdorimi gjithnjë e më i gjerë i Inteligjencës Artificiale po i detyron kompanitë të rishikojnë jo vetëm vendet e punës, por edhe mënyrën se si përgatiten drejtuesit e së ardhmes.
Sipas një analize të publikuar nga Forumi Ekonomik Botëror, 94% e drejtuesve të burimeve njerëzore planifikojnë të ripërcaktojnë rolet brenda organizatave, për t’i përshtatur me ndryshimet që inteligjenca artificiale po sjell në punën e përditshme.
Megjithatë, ekspertët paralajmërojnë se ndryshimi i përshkrimeve të vendeve të punës nuk është i mjaftueshëm. Kompanitë duhet të rishikojnë edhe mënyrën se si zhvillojnë talentet dhe përgatisin punonjësit për pozicione drejtuese.
Ndërsa AI merr përsipër më shumë detyra ekzekutive, analiza dhe përpunim informacioni, aftësitë njerëzore si gjykimi, komunikimi, mendimi kritik dhe marrja e vendimeve po bëhen më të rëndësishme për menaxherët.
Sfida për bizneset është veçanërisht e madhe në nivelet fillestare. Automatizimi i detyrave bazë mund t’u heqë punonjësve të rinj përvojat që tradicionalisht i ndihmonin të zhvilloheshin profesionalisht.
Për këtë arsye, kompanive u rekomandohet të krijojnë modele të reja trajnimi, ku punonjësit mësojnë të vlerësojnë dhe kontrollojnë punën e AI-së, në vend që të kufizohen vetëm në realizimin e detyrave rutinë./WEF
Postimi ” Inteligjenca Artificiale po ndryshon rolin e drejtuesve në kompani ” eshte marre nga Revista Monitor.
