12.5 C
Tirana
E premte, 1 Mars 2024

Jeff Bezos dhuron pjesën më të madhe të pasurisë së tij – Pasuria prej 124 miliardë dollarësh në mbështetje të humanizmit dhe klimës

Duhen Lexuar

Jeff Bezos deklaron se do të dhurojë pjesën më të madhe të pasurisë së tij prej 124 miliardë dollarësh për bamirësi dhe për luftën ndaj ndryshimeve klimatike.

Themeluesi i Amazon u shpreh se dëshironte të ndihmonte njerëzit të cilët mund të bashkojnë humanizmin dhe të shuajnë përcarjet e thella sociale dhe politike. Ai nuk dha detaje të sakta për bamirësitë që kishte përzgjedhur për të dhuruar para, apo se sa shumë para do të japë. I shoqëruar nga e partnerja e tij Lauren Sanchez, biznesmeni u shpreh për CNN se ata kishin kohë që po punonin në mënyrë që të ishin të aftë të dhuronin sa më shumë para.

I pyetur nëse planifikonte të dhuronte pjesën më të madhe të pasurisë së tij, gjatë jetës, Bezos u përgjigj: Po, sigurisht që po”.

Në të kaluarën themelues i Amazon është kritikuar pasi nuk ka firmosur “Zotimin për të dhuruar” një premtim nga disa prej njerëzve më të pasur në botë për të dhuruar pjesën më të madhe të pasurisë së tyre për bamirësi.

Por sfida më e madhe e çiftit është të kuptojë se si të shpërndajë pasurinë e madhe të Bezos. Pavarësisht se është personi i katërt më i pasur në botë, sipas Indeksit të Miliarderëve të Bloomberg, Bezos është përmbajtur nga vendosja e një shume të synuar për të dhënë gjatë jetës së tij.

Bezos ka dhuruar 10 miliardë dollarë gjatë 10 viteve, ose rreth 8% të vlerës së tij aktuale neto, për ‘Fondin e Tokës’ Bezos, të cilin e drejton bashkë me Sánchez.

Megjithëse Bezos tani është kryetari ekzekutiv i Amazon dhe jo CEO i saj – ai u largua nga ai rol në vitin 2021 – ai është ende i përfshirë në ‘gjelbërimin’ e kompanisë. Amazon është një nga më shumë se 300 kompanitë që janë zotuar të zvogëlojnë gjurmët e tyre të karbonit deri në vitin 2040 sipas parimeve të Marrëveshjes së Klimës së Parisit.


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit