16.5 C
Tirana
E shtunë, 15 Qershor 2024

Kredia për blerje banese, me rritje të fortë – Qershor 2023, tkurren huatë hipotekore në monedhën e përbashkët europiane

Duhen Lexuar

Ndërsa në total kredidhënia për ekonominë rezulton në rritje modeste fund të gjysmës së parë të viti, ndryshime ka pasur sa i përket kreditimit të tregut të pasurive të paluajtshme. Nga të dhënat e sapopublikuara nga Banka e Shqipërisë mbi ecurinë e kreditimit në vend për periudhën janar-qershor, bie në sy rënie e fortë kredisë hipotekore dhënë individëve në monedhën e përbashkët europiane. E kundërta ka ndodhur për kredinë për blerje banesash në lekë, e cila ka shënuar rritje të fortë gjatë dy muajve të fundit.

Sipas të dhënave zyrtare të Bankës së Shqipërisë, kredia për ekonominë rezulton në total 713.2 miliardë lekë në muajin qershor, nga 712,6 miliardë në maj. Krahasuar me gjysmën e parë të vitit të shkuar, kredia për ekonominë rezulton në rritje me 1.57%. Ndërkohë që ka qenë kredia hipotekore e individëve në euro ajo që ka shënuar rënie të dukshme. Nga 74.5 miliardë lekë në muajin maj, totali i kredive për blerje banesash ka rënë në 72.9 miliardë në qershor. E kundërta ka ndodhur me kredinë hipotekore në lekë, e cila kishte shënuar ecuri modeste muajt e fundit. Nga 97.3 miliardë lekë në maj, ajo ka kërcyer në 99.4 miliardë lekë në fund të qershorit.

Një tjetër veçori e këtyre muajve është rënia e kredive afatmesme dhe rritja e atyre afatshkurtra e afatgjata. Kredia afatshkurtër rezulton në fund të qershorit 173,9 miliardë lekë, nga 167.8 miliardë në qershor të një viti më parë. Kredia afatmesme deri në pesë vite rezulton këtë vit në vlerën totale 109,5 miliardë lekë nga 110.2 një vit më parë. Ndërsa kredia afatgjatë, nga 413,6 miliardë në qershorin e vitit të shkuar, rezulton në 418.4 miliardë në qershor të këtij viti.

Lorenc Rabeta /


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications