Intervistë me Sokol Qeraxhiun – CEO dhe themelues i kompanisë Prisma sh.p.k.
Si flasin pagesat, shitjet dhe banka të njëjtën gjuhë?
Bizneset shqiptare po hyjnë në një fazë të re zhvillimi, ku eficienca operative dhe kontrolli financiar po bëhen faktorë kyç për konkurrueshmërinë. Rritja e kostove, integrimi me tregun europian dhe kërkesat në rritje për transparencë dhe raportim po i detyrojnë ndërmarrjet të rishikojnë mënyrën sesi menaxhojnë financën e tyre. Në këtë kontekst, integrimi i sistemeve të biznesit me bankat dhe automatizimi i proceseve financiare po shfaqen si një nga zhvillimet më të rëndësishme të dekadës.
Pse një hendek eficience kërkon transformim?
Pavarësisht progresit ekonomik dhe modernizimit gradual të sektorit financiar, Shqipëria vazhdon të përballet me një sfidë strukturore: produktivitetin e ulët. Sipas analizave ndërkombëtare, produktiviteti i punës në vend mbetet rreth 25.7% e mesatares së Bashkimit Europian, ndërsa rajoni i Ballkanit nuk kalon mesatarisht 40%.
Ky hendek reflekton jo vetëm strukturën ekonomike, por edhe nivelin e përdorimit të teknologjisë dhe organizimin e proceseve të brendshme në biznese. Në një realitet ku kostot e punës janë në rritje dhe konkurrenca po afrohet gjithnjë e më shumë me standardet europiane, eficienca nuk mund të mbështetet më te modeli tradicional i operimit.
Në këtë kontekst, rritja e produktivitetit lidhet drejtpërdrejt me aftësinë e ndërmarrjeve për të automatizuar proceset dhe për të përdorur teknologjinë si komponent kyç të operimit.
A përbëjnë proceset manuale një kosto të fshehur dhe një risk të nënvlerësuar?
Një nga burimet më të mëdha të humbjes së eficiencës në bizneset shqiptare lidhet me mënyrën e menaxhimit të proceseve financiare. Shumë ndërmarrje vijojnë të operojnë me modele të fragmentuara, ku marrja e të dhënave bankare, inicimi i pagesave dhe reconciliimi kryhen në mënyrë manuale.
Në praktikë, kjo përkthehet në kohë të humbur dhe në kosto të fshehura. Studimet tregojnë se punonjësit kalojnë deri në 58% të kohës së tyre në aktivitete me vlerë të ulët, si përpunimi manual i të dhënave apo koordinimi i proceseve. Në funksionin financiar, vetëm reconciliimi mund të marrë disa ditë pune çdo muaj, ndërsa gabimet, edhe në përqindje të vogla, mund të kenë ndikim të konsiderueshëm në rezultate.
Këto procese nuk janë vetëm joefikase, por edhe të rrezikshme. Në praktikat ndërkombëtare është evidentuar se një pjesë e konsiderueshme e kompanive kanë përjetuar humbje financiare për shkak të kontrolleve të dobëta apo proceseve manuale (publikuar nga PwC). Nderkohe qe, modeli manual rezulton edhe financiarisht më i kushtueshëm në krahasim me alternativat e automatizuara.
Në këtë mënyrë, manualja nuk mbetet thjesht një çështje operacionale, por kthehet në një faktor që ndikon drejtpërdrejt në kosto, risk dhe konkurrueshmëri.
Pse po kalon modeli i operimit financiar nga fragmentimi te integrimi?
Zhvillimet e fundit në sektorin bankar dhe teknologjik kanë krijuar kushtet për një model të ri operimi. Hapja e bankave përmes API-ve dhe shërbimeve web, së bashku me përhapjen e faturimit elektronik, po i japin mundësi bizneseve të ndërtojnë procese të integruara dhe të automatizuara. Në këtë model, banka nuk është më një sistem i ndarë, por një komponent i sistemit të biznesit. Të dhënat bankare, pagesat dhe kontabiliteti lidhen në mënyrë direkte, duke krijuar një cikël të përbashkët operimi.
Ndryshimi më i madh vërehet në reconcilimi. Nga një proces manual dhe i shpërndarë në spreadsheet-e, ai po kthehet në një proces të automatizuar, ku sistemi realizon përputhjen e transaksioneve dhe ndërhyrja njerëzore kufizohet vetëm në rastet e përjashtimeve. Ky transformim përshpejton proceset dhe rrit ndjeshëm saktësinë.
A përbën kalimi nga shitja te pagesa një cikël të vetëm financiar?
Një nga zhvillimet më të rëndësishme në praktikë është integrimi i drejtpërdrejtë midis shitjes dhe pagesës. Transaksionet me kartë në POS mund të lidhen automatikisht me sistemin financiar të kompanisë, duke krijuar një cikël të plotë që përfshin shitjen, pagesën dhe regjistrimin kontabël.
Ky model eliminon reconciliimin manual dhe mundëson transparencë të plotë mbi të ardhurat dhe cashflow-n. Për më tepër, ai krijon një bazë të fortë për raportim dhe kontroll financiar, duke e bërë informacionin të disponueshëm në kohë reale.
Në këtë mënyrë, financa nuk funksionon më si një proces që mbyllet në fund të muajit, por si një funksion operativ i integruar në aktivitetin e përditshëm të biznesit.
DISA TREGUES, TË EFICIENCËS
- Produktiviteti në Shqipëri ≈ 25.7% e BE-së;
- Deri në 58% e kohës së punës në procese me vlerë të ulët;
- Reconciliimi manual kërkon disa ditë çdo muaj;
- Gabime në 1%–3% të transaksioneve;
- Proceset manuale janë më të kushtueshme se automatizimi;
Përfundim: eficienca si avantazh konkurrues
Në një treg që po afrohet gjithnjë e më shumë me standardet europiane, eficienca operacionale po bëhet faktori kryesor që ndan bizneset fituese nga të tjerët. Automatizimi dhe integrimi i proceseve financiare nuk janë më thjesht nisma teknologjike, por elementë themelorë të modelit të biznesit.
Bizneset që arrijnë të kalojnë nga procese manuale në modele të integruara dhe të drejtuara nga të dhënat do të jenë më të përgatitura për të menaxhuar rritjen, për të përballuar konkurrencën dhe për të operuar në një mjedis gjithnjë e më kompleks dhe të rregulluar.
Përtej eficiencës së brendshme, bizneset po përballen edhe me një shtysë të fortë transformimi që vjen nga vetë kuadri rregullator dhe politikat shtetërore. Fiskalizimi elektronik, zgjerimi i pranimit të pagesave me kartë në pikat e shitjes dhe evoluimi i kuadrit ligjor drejt bankimit të hapur po krijojnë një realitet të ri operimi, ku digjitalizimi nuk është më vetëm një zgjedhje për t’u dalluar në treg, por gjithnjë e më shumë një kusht për të funksionuar me efikasitet dhe përputhshmëri. Për bizneset që i lexojnë këto zhvillime si oportunitet, hapet mundësia për të ndërtuar procese më të shpejta, më transparente dhe më të integruara; për ata që mbeten jashtë këtij ritmi, operimi do të bëhet gradualisht më i vështirë, më i kushtueshëm dhe më pak konkurrues.
PRISMA: ZGJIDHJE TË INTEGRUARA PËR FINANCËN MODERNE
Në këtë transformim të tregut, një rol të rëndësishëm po luajnë kompanitë që kanë ndërtuar ekspertizë reale në pikëtakimin mes teknologjisë, financës dhe proceseve të biznesit. Një prej tyre është Prisma, kompani shqiptare me mbi 18 vite eksperiencë, e njohur në digjitalizimin e proceseve financiare, automatizimin operacional dhe ndërtimin e zgjidhjeve që lidhin sistemet e biznesit me bankat, raportimin dhe zyrat e taksave.
Në portofolin e saj, platforma cloud Profisc përfaqëson një nga sistemet më të konsoliduara për fiskalizimin elektronik në Shqipëri, e ndërtuar me logjikë integrimi dhe shkallëzimi që në fillesë. Zgjidhja mbështet procese me volum të lartë, nevoja të avancuara raportimi dhe integrime me sisteme ERP, duke i ndihmuar kompanitë të kalojnë nga operimi i fragmentuar në një model më të kontrolluar, më transparent dhe më efikas.
Paralelisht, Prisma është pozicionuar si një partner me ekspertizë të specializuar në implementimin e Oracle Fusion, sot platforma lider globale ERP, duke qenë ndër të paktat kompani në Ballkan me eksperiencë të avancuar në këtë teknologji. Krahas kësaj, ajo ofron zgjidhje të avancuara për financën, raportimin dhe integrimin e proceseve, duke adresuar nevojat e organizatave që kërkojnë standarde ndërkombëtare operimi.
Ky pozicionim e kalon Prismën përtej rolit tradicional të një ofruesi software-i, duke e kthyer atë në një partner transformimi për organizatat që synojnë të modernizojnë arkitekturën e tyre financiare, të reduktojnë ndërhyrjet manuale dhe të ndërtojnë procese të integruara – nga shitja te pagesa, nga banka te kontabiliteti, dhe nga operimi ditor te vendimmarrja menaxheriale.
prisma.al
Postimi ” Kur pagesat, shitjet dhe banka flasin të njëjtën gjuhë ” eshte marre nga Revista Monitor.
