15.5 C
Tirana
E shtunë, 24 Shkurt 2024

Ndikimi turistik nga lufta/ Ferjolt Ozuni: Gjatë vitit të kaluar 110 mijë turistë nga Ukraina, sivjet ka anulime

Duhen Lexuar

Efektet që ka sulmi rus në Ukrainë tek turizmi në Shqipëri, u pasqyruan në studion e lajmeve në MCN Tv nga eksperti i turizmit, Ferjolt Ozuni.

Ai u shpreh se turistët në numër përgjatë viteve vinin nga Ukraina, Polonia e Rumania, dhe se sivjet nga kjo situatë, kemi anulime të shumta.

“Kemi pasur turistë të shumtë me charter nga Ukraina, që përbënin deri në 30 % kurse në numër real kanë qenë vetëm vjet 110 mijë turistë. Ende është shpejt për të folur për tani, sepse agjencitë turistike në Ukrainë i kapi të papërgatitur kjo situatë, por ne jemi në fazën që do të presim se çfarë do të ndodhë. Pritshmëritë që i kemi apo ajo çfarë e kemi ndjesinë se do të kemi anulime. Aeroportet janë të prishura, të goditura, dhe në rastin më të mirë mund të japin një 50% të këtij tagri që kemi pasur, por pritshmëritë janë më të ulta.”

Eksperti i turizmit, Ozuni, thotë se anulime mund te ketë edhe nga turistët e shteteve përreth Ukrainës, si Polonia e Rumania.

“Patjetër që do të ketë një ndikim edhe në lëvizjen e lirë të qytetarëve, pikërisht nga zonat që janë në kufi, si Polonia e Rumania.
Në këto kushte, është e vështirë që dikush të mendoj për pushime turistike impakti do të jetë edhe më i gjerë, por jemi në pozitën se do shohim se çfarë do të ndodhë në vazhdim, sepse nga këto dy vende ne kemi pasur edhe shumë turistë, mund të kemi nga jugu dhe perëndimi i Polonisë, apo edhe jugut të Rumanisë, por duhet parë.”

- Reklama -
spot_img
- Reklama -

Artikujt e Fundit