26.5 C
Tirana
E shtunë, 15 Qershor 2024

Shqipëri-Azerbajxhan,projekte të përbashkëta në energji.Mblidhet Komiteti i Përbashkët në Baku/ Balluku: Sfidë, korridoret e gjelbër

Duhen Lexuar

Shqipëria dhe Azerbajxhani do të bashkëpunojnë për të çuar përpara projekte të rëndësishme në fusha siç është energjia, ekonomia, bujqësia, kultura, shëndetësia, si dhe sektorë të tjetër që kanë të bëjnë me inovacionin dhe digjitalizimin. Dy qeveritë përkatëse kanë krijuar Komitetin e Përbashkët Shqipëri – Azerbajxhan,  i cili do të punojë për konkretizimin e  projekteve. Zëvendëskryeministrja, njëherësh Ministrja e Infrastrukturës dhe Energjisë, Belinda Balluku, e pranishme në mbledhjen e këtij komiteti në Baku, ka dhënë detaje të mëtejshme për bashkëpunimin kryesisht në fushën e energjisë.

Së pari, siç e tha dhe ministri, Shqipëria është kampione në prodhimin e energjisë së rinovueshme, pasi prodhon 100% energji elektrike nga burime të rinovueshme. Tani synimi ynë kryesor është të diversifikojmë portofolin e energjisë së gjelbërt, sepse deri më tani kemi qenë të bazuar nga energjia hidrike. Sigurisht ajo që është shumë e rëndësishme për Shqipërisë dhe ajo që kemi ndarë bashkë është siguria energjetike sepse sigurisht një vend mund të prodhojë energji të gjelbër, por nëse nuk ka mjaftueshëm sa për të plotësuar nevojat e tij apo të rajonit, atëherë ka probleme sa i takon sigurisë energjetike. Kështu, këto janë dy tema që duhet të bashkëpunojmë.  Shpresoj që nga ky bashkëpunim, rezultati kryesore të jetë shkëmbimi i praktikave më të mira që kemi, krijimi i sigurisë energjetike falë gazit azer për rajonin e Ballkanit Perëndimor” deklaroi Belinda Balluku, Zv.Kryeministre dhe Ministre e Energjisë.

Nga ana tjetër do të bashkëpunohet edhe për krijimin e korridoreve të gjelbërta të transmetimit.

“Sa i takon korridoreve të gjelbër, transmetimi është sfida e re për të gjithë shtetet, pasi nuk mjafton vetëm  të prodhosh dhe të jesh i izoluar si një ishull. Transmetimi e bën këtë produkt kaq të vlefshëm ndërkombëtarisht.  Ajo që ne synojmë është që të jemi të lidhur me korridoret kryesore të energjisë, siç ju po punoni në tre projekte të mëdha sa i takon korridoreve, ne po punojmë shumë që të krijojmë korridorin e tetë të energjisë, si një korridor sigurie, jo vetëm për transportin apo udhëtarët, por dhe për energjinë. Pra e ardhmja do të jetë e fokusuar në investimet në rrjetet e transmetimit” deklaroi Belinda Balluku, Zv.Kryeministre dhe Ministre e Energjisë. 

Angazhimet e ndërmarra në këtë mbledhje të komitetit do të jenë edhe  prioritet për axhendat qeveritare të të dyja vendeve.

Elisabeta Dosku/

 

Prononcimi i Zëvendëskryeministres, njëherësh Ministër i Infrastrukturës dhe Energjisë, Belinda Balluku në Baku pas përfundimit të mbledhjes së Komitetit të Përbashkët Shqipëri – Azerbajxhan

Është një kënaqësi shumë e madhe që të jemi këtu me një pjesë të kabinetit sot në Baku, pasi gjithmonë marrëdhëniet midis dy vendeve tona kanë qenë marrëdhënie të shkëlqyera, por për shkak edhe të një bashkëpunimi të ngushtë edhe të një miqësie që Presidenti Aliyev dhe Kryeministri Rama kanë, duhet thënë që ne kemi hapur një kapitull të ri në marrëdhëniet diplomatike midis Azerbajxhanit dhe Shqipërisë. Krijimi i këtij Komiteti i cili ka nisur si një grup pune një vit më parë na bën besimplotë që të gjitha projektet dhe të gjitha planet që ne kemi për të ardhmen do të realizohen.

Kemi diskutuar sot në detaj për çka duhet të bëjmë në të ardhmen dhe kemi gjetur fusha interesi të përbashkëta ashtu siç është energjia, ekonomia, bujqësia, kultura, arsimi, shëndetësia dhe fusha të tjera të cilat kanë të bëjnë me inovacionin dhe dixhitalizimin. Është e rëndësishme të thuhet që dy vende miq, si Azerbajxhani dhe si Shqipëria, të cilët kanë një histori të njëjtë, kanë besim të njëjtë tek një pjesë të popullsisë, por nga ana tjetër janë vende të cilat kanë ardhur deri më sot, po jetojnë padyshim një fazë të mirë ekonomike, si Azerbajxhani ashtu dhe Shqipëria apo dhe stabilitet politik, për shkak të të gjitha përpjekjeve dhe sakrificave që dy popujt kanë bërë, kështu që askush nuk mund të kuptohet më mirë sesa dy vendet tona, kështu që partneriteti do të ishte shumë natyral dhe nga ana tjetër do të ishte dhe i suksesshëm.

Angazhimet që kemi ndërmarrë sot, të gjithë ministrat e kabinetit shqiptar që kanë qenë në tryezë apo dhe të gjithë përfaqësuesit e qeverisë së Azerbajxhanit, do të jenë prioritete për axhendat qeveritare të të dyja vendeve dhe ne shpresojmë që në muajt në vazhdim të kemi konkretizim të projekteve për të cilat jemi angazhuar sot. Nga ana tjetër shpresojmë shumë, së bashku duke qenë se jemi dy ministrat që udhëheqim këtë Komision, që vitin tjetër kur të ulemi në tryezë mos të flasim më thjesht për plane, por të flasim për rezultate dhe për arritje konkrete.

Unë dua të shpreh dhe një herë të gjithë mbështetjen e qeverisë shqiptare dhe të Kryeministrit Edi Rama për popullin e Azerbajxhanit dhe për Qeverinë dhe Presidentin Aliyev.

Shumë faleminderit.

 

Pyetje: Sipas opinionit tuaj çfarë duhet të bëjë Shqipëria dhe Azerbajxhani për të forcuar më tej bashkëpunimin në fushën e energjetikës?

Së pari, siç e tha dhe ministri, Shqipëria është kampione në prodhimin e energjisë së rinovueshme, pasi prodhon 100% energji elektrike nga burime të rinovueshme. Tani synimi ynë kryesor është të diversifikojmë portofolin e energjisë së gjelbërt, sepse deri më tani kemi qenë të bazuar nga energjia hidrike.

Sigurisht ajo që është shumë e rëndësishme për Shqipërisë dhe ajo që kemi ndarë bashkë është siguria energjetike sepse sigurisht një vend mund të prodhojë energji të gjelbert, por nëse nuk ka mjaftueshëm sa për të plotësuar nevojat e tij apo të rajonit, atëherë ka probleme sa i takon sigurisë energjetike. Kështu, këto janë dy tema që duhet të bashkëpunojmë.  Shpresoj që nga ky bashkëpunim, rezultati kryesore të jetë shkëmbimi i praktikave më të mira që kemi, krijimi i sigurisë energjetike falë gazit azer për rajonin e Ballkanit Perëndimor.

Nga ana tjetër, ne jemi duke investuar intensivisht në ankande, të cilat janë një mënyrë shumë transparente e kompetitive, për të krijuar burime të reja të energjisë së gjelbër. Ky mund të jetë një nga çelësat e suksesit, me siguri dhe jam e bindur dhe optimiste që bashkëpunimi ynë do të na sjellë rezultate konkrete shumë shpejt që do të mund të jenë të prekshëm nga të gjithë konsumatorët.

Sa i takon korridoreve të gjelbër, transmetimi është sfida e re për të gjithë shtetet, pasi nuk mjafton vetëm të prodhosh dhe të jesh i izoluar si një ishull. Transmetimi e bën këtë produkt kaq të vlefshëm ndërkombëtarisht.

Ajo që ne synojmë është që të jemi të lidhur me korridoret kryesore të energjisë, siç ju po punoni në tre projekte të mëdha sa i takon korridoreve, ne po punojmë shumë që të krijojmë korridorin e tetë të energjisë, si një korridor sigurie, jo vetëm për transportin apo udhëtarët, por dhe për energjinë. Pra e ardhmja do të jetë e fokusuar në investimet në rrjetet e transmetimit. 

 

 

 

 

 


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications