16.5 C
Tirana
E diel, 16 Qershor 2024

Si do të ndryshojnë komunikimet elektronike? – Nga investimet me kapacitete të larta, deri te 5G. Projektligji, për miratim në Kuvend

Duhen Lexuar

Këshilli i Ministrave ka dërguar për miratim në Kuvend projektligji “Për komunikimet elektronike në Republikën e Shqipërisë”, nga ku parashikohet të ketë ndikim të rëndësishëm në lidhje me sigurimin e ofrimit dhe ndërtimit të rrjeteve të komunikimeve elektronike të shpejtësisë së lartë, duke promovuar përfitime të mëdha për përfituesit fundorë dhe ata me aftësi ndryshe.

Qëllimi i këtij projektligji është rishikimi dhe përmirësimi në kuadrin e përgjithshëm rregullator për komunikimet elektronike, si dhe me nxitjen e investimeve për rrjetet e komunikimeve elektronike me kapacitete shumë të larta, si ato me fibër optike ashtu dhe ato ëireless 5G.

Sipas projektligjit objektivi për ndërtimin e rrjeteve me kapacitete shumë të larta është një nevojë për të gjitha zhvillimet e pritshme për ekonominë digjitale, si dhe përcaktimin e rregullave më të qarta për rrjetet e komunikimeve elektronike.

Hartimi i një projektligji të ri del si nevojë e adresimit më mirë të problematikave të tregut dhe përmbushjes së objektivave strategjike për një shoqëri gigabit. Gjithashtu ky projektligj synon të plotësojë rekomandimin e progresrportit të vitit 2021 të BE-së për Shqipërinë.

Për ta përmbledhur, direktiva 2018/1972 EU, e cila do të transpozohet, ka për qëllim konsolidimin e një tregu të brendshëm në rrjetet dhe shërbimet e komunikimeve elektronike, që rezulton në krijimin e rrjeteve me kapacitet shumë të lartë, konkurrencë të qëndrueshme, ndërveprueshmëri të shërbimeve të komunikimeve elektronike, aksesueshmëri, siguri të rrjeteve e shërbimeve dhe përfitime të përdoruesve fundorë etj.

Diamila Leka/


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications