30.5 C
Tirana
E hënë, 24 Qershor 2024

Spanja takson bankat dhe firmat energjetike – Propozimi kalon pengesën e parë në parlamentin e vendit

Duhen Lexuar

Propozimi për taksat e papritura për bankat dhe kompanitë e mëdha energjitike në Spanjë, ka kaluar pengesën e parë në parlamentin e vendit, duke marrë mbështetjen e koalicionit të majtë qeverisës dhe disa partive rajonale.

Disa parti në rajonet veriore të Spanjës, ku kompanitë energjitike dhe bankat kanë një prani të konsiderueshme, kishin sigururar përpara votimit një përjashtim të aktiviteteve të rregulluara të brendshme dhe operacioneve të jashtme të firmave të mëdha energjitike.

Disa kompani energjetike kishin kërcënuar se do ta çonin qeverinë në gjykatë nëse taksa prej 1.2% mbi shitjet e ndërmarrjeve elektrike miratohej në formën e saj origjinale. Fillimisht, taksat synonin të mblidhnin një total prej 7 miliardë eurosh në 2023-shin dhe 2024-ën për të ndihmuar familjet të përballen me presionet e kostos së jetesës. Propozimi, i miratuar me 186 vota pro dhe 152 kundër dhe 10 abstenime, tani do t’i dërgohet Senatit ku mund të miratohet nëse dhoma e sipërme nuk shton ndonjë amendament.

Nëse partitë në Senat prezantojnë ndryshime shtesë, dhoma e ulët, ose kongresi, do të duhet të debatojnë përsëri për ‘të. Një burim qeveritar tha se për shkak të ndryshimeve të fundit në projektligj, 4 miliardë euro që synoheshin të mblidheshin fillimisht, mund të reduktoheshin me rreth 500 milionë euro.

Në fillim të këtij muaji, taksa bankare u ndryshua për të vendosur taksa mbi njësitë vendase të huadhënësve të huaj, pasi Banka Qendrore Europiane paralajmëroi në një opinion jodetyrues, se propozimi mund të shtrembërojë konkurrencën në treg dhe dëmtojë një fushë loje të barabartë.

Dorina Kurtaj /


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications