11.5 C
Tirana
E premte, 1 Mars 2024

Uber i kompanive ajrore vjen në Ballkan

DRCT është një softuer ueb i integruar në GDS, i cili lehtëson aksesin në të gjitha fluturimet dhe llojet e tarifave të ofruara nga linjat ajrore për të gjithë klientët dhe partnerët e vet, duke plotësuar përmbajtjen ekzistuese të ofruar nga GDS dhe agregatorët e tjerë të kompanive ajrore Low Cost.

Duhen Lexuar

DRCT, një ofrues teknologjie me një standard certifikimi si një agregator IATA NDC (niveli 4), një standard i nevojshëm për kompanitë turistike që duan të ofrojnë shërbime optimale udhëtimi për klientët e tyre, ka nisur të hyjë fuqishëm në tregun rajonal Ballkanik të industrisë turistike duke nisur partneritete me agjenci turistike lokale për implementimin e një platformë të ngjashme shpërndarjeje si ajo e Uber, platformë kjo e cili bashkon linjat ajrore në një ekosistem të vetëm.

NDC është teknologjia më e fundit në industrinë e aviacionit e lançuar nga IATA për të zhvilluar një standard të ri për transmetimin e të dhënave për biletat e avionit të shitura dhe të gjithë informacionin mbi tarifat, shërbimet e përfshira, vlefshmërinë, etj., nga linjat ajrore te agjencitë e udhëtimit, për klientët e tyre, për udhëtime biznesi ose për pushime.

DRCT u jep mundësinë të gjitha agjencive turistike apo turoperatore, qofshin ato klasike apo online – OTA (online travel agencies), të specializuara në menaxhimin e udhëtimeve të biznesit – TMC (Travel Management Company) ose Metasearch-e të arrijnë të kenë akses tek i gjithë informacioni i nevojshëm rreth biletave të vëna në shitje të linjave ajrore nëpërmjet NDC, direkt nga GDS (sistemet globale të shpërndarjes dhe marketingut të biletave ajrore). Përmbajtja e cila mund të aksesohet nëpërmjet NDC vjen nga linja ajrore si Lufthansa Group, British Airways, Air France / KLM, Ukraine International Airlines, Aegean Group dhe shumë të tjera, në varësi të kontratave, rajonit apo kërkesave. Qasja bëhet përmes një softueri të integruar direkt në browser, i cili përdor inteligjencën artificiale dhe është krijuar për të lehtësuar aktivitetin e përditshëm të agjentit emetues të biletave të avionit. Është i lehtë për t’u instaluar dhe intuitiv për t’u përdorur.

DRCT është një kompani teknologjike e themeluar në Maltë në shtator 2017. Është një ofrues teknologjie i njohur si reformator dhe i certifikuar si grumbullues i IATA NDC nga linjat kryesore ajrore evropiane, Lufthansa Group, Air France, KLM, British Airways, Aegean Airlines Iberia, Ukraninan Airlines, dhe në proces certifikimi me kompani të shumta si Emirates Airlines, Qatar Airways, Singapore Airlines.

Vendi i parë Ballkanik i cili nis implementimin e kësaj platforme është Rumania ku DRCT ka bërë një marrveshje me një nga agjencitë turistike lider të tregut rumun. Me anë të kësaj marrveshjeje DRCT synon të hyjë në të gjithë tregun rumun të agjencive turistike dhe të ofrojë shërbimet e veta si alternativë ndaj atyre tradicionale të GDS. WallStreet.al është në dijeni të faktit që DRCT është kontaktuar nga disa agjenci turistike të mëdha shqiptare me qëllim marrjen e ekskluzivitetit të kësaj platforme për Shqipërinë dhe që palët janë duke negociuar – edhe se DRCT nuk duket shumë e bindur nëse është koha dhe momenti i duhur për të ndërmarrë një hap të tillë për tregun Shqipëtar.

- Reklama -
spot_img
- Reklama -

Artikujt e Fundit