30.5 C
Tirana
E shtunë, 20 Korrik 2024

Greenpeace propozon ndalimin e fluturimeve nëse ka një alternativë për trenin me kohëzgjatje më pak se 6 orë

"Greenpeace" i propozon Bashkimit Europian ndalimin e fluturimeve në distanca të shkurtra ku mund të udhëtohet me tren dhe ku udhëtimi zgjat deri në 6 orë.

Duhen Lexuar

Këto fluturime shkaktojnë një të katërtën e ndotjes së gjeneruar nga aviacioni. Kjo masë do të ndikojë në udhëtimin midis qyteteve të afërta, si midis Madridit dhe Barcelonës, apo edhe Brukselit dhe Parisit. Një masë e tillë do të ishte joefektive, sipas ekspertëve të aviacionit. Përveç kësaj, njerëzit duhet të kenë një zgjedhje, një alternativë. Por ka shtete dhe rajone të ndryshme si Shqipëria dhe Ballkani ku udhëtimi me tren ose është inekzistent ose jo-efektiv.

Ambientalistët e Greenpeace besojnë se deri në vitin 2037 trafiku ajror global do të dyfishohet dhe ndotja e gjeneruar nga avionët do të rritet në mënyrë dramatike, siç ka ndodhur në 10 vitet e fundit, kur emetimet e gazeve serë janë rritur me gati 30%.

Për të reduktuar ndotjen, aktivistët mjedisorë po propozojnë ndalimin e fluturimeve për distanca të konsideruara të shkurtra dhe nga ku mund të udhëtohet me tren – pra fluturime deri në 1500KM.
“Ne po propozojmë ndalimin e këtyre fluturimeve në mënyrë që njerëzit të zgjedhin trenin. Në Europë ne kemi nevojë për një sistem hekurudhor të sigurt, efikas me frekuenca të mjaftueshme udhëtimesh”, shpjegoi një përfaqësues i Greenpeace.

Propozimi i referohet fluturimeve që mund të zëvendësohen me trena që zgjasin më pak se 6 orë udhëtim. Ambientalistët thonë se 34 për qind e fluturimeve të Bashkimit Europian mund të ndalohen në këtë mënyrë.

Një shembull do të ishte Madrid – Barcelona. Sipas ambientalistëve, edhe pse ka një tren të cilit i nevojitet më pak se 6 orë udhëtim për të mbërritur në destinacion, njerëzit ende dynden për të fluturuar. Shembuj të tjerë do të ishin midis qyteteve të mëdha në Bashkimin Europian në distanca të shkurtra, Paris – Bruksel, Paris – Amsterdam, Bruksel – Frankfurt, etj.

Në të vetmin vend ballkanin me një infrastrukturë hekurudhore deri diku funksiona – në Rumani, ambientalistët janë veçanërisht të shqetësuar për udhëtimet e brendshme. Bëhet fjalë për fluturimet Bukuresht – Iasi, Bukuresht – Bacau ose Bukuresht – Suceava. Këto fluturime kanë edhe alternativa hekurudhore, thonë ambientalistët – dhe udhëtimi me tren do të ishte deri në 6 orë.

Ekspertët e aviacionit thonë se njerëzit zgjedhin natyrshëm trenin ku udhëtimi nuk zgjat më shumë se 3 orë. Kjo sepse një fluturim do të thotë 3 orë kohë të humbura në aeroport gjatë hipjes dhe pas uljes së avionit. Sigurisht, njerëzit zgjedhin trenin edhe nëse këta trena kanë kushte të mira.

Për momentin, linjat ajrore apo Komisioni Europian nuk kanë komentuar propozimet e Greenpeace. Bashkimi Europian tashmë ka një strategji deri në vitin 2030 për të reduktuar ndotjen në fluturimet deri në 500 kilometra. Një zgjidhje do të ishin trenat me shpejtësi të lartë, për të cilët Shqipëria si i gjithë Ballkani vetëm mund të ëndërrojë.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications