25.5 C
Tirana
E premte, 14 Qershor 2024

Ujësjellësit, 310 mln lekë subvencione nga buxheti – Shani: 91% e vlerës u përdor për likujdimin e borxheve të energjisë

Duhen Lexuar

Ujësjellësit morën 310 mln lekë subvencione nga buxheti i shtetit vitin që shkoi, duke shënuar ulje me 50 mln lekë në raport me një vit më parë.

Gjatë raportimit në Komisionin parlamentar të Veprimtarive Prodhuese, kreu i Entit Rregullator të Ujit, Ndriçim Shani foli për situatën në sektor, pas reformës së agregimit të 58 ndërmarrjeve, në 15 shoqëri rajonale, ndërsa theksoi se pjesa dërrmuese e subvencioneve të shpërndara nga shteti u përdor për likujdimin e detryimeve të energjisë elektrike.

Sipas Shanit, vlera e investimeve gjatë vitit 2023 në sektorin e ujësjellës – kanalizime arriti në 84 mln euro, ndërsa shtoi se nevoja për financime në sektor është e madhe.

Ndërkaq, deputetët e opozitës kërkuan në shumë informacion në lidhje me investimet në kanalizime, dhe në drejtim të cilësisë së ujit.

Shani foli dhe për unifikimin e tarifave në ujit nga shoqëritë rajonale të krijuara, midis bashkive të përfshira, duke theksuar se tendenca do të jetë drejt barazimit me bashkinë që ka tarifat më të larta, pasi nuk mund të ketë ulje të tyre.

Ola Mitre /


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications